Tipisalema 31:1-24
Eka mufambisi. Miloti ya Davhida.
31 Yehovha Xikwembu xanga, ndzi tumbele eka wena.+
Onge ndzi nga tshama ndzi nga khomisiwi tingana.+
Ndzi ponise hikwalaho ka ku lulama ka wena.+
2 Korhama u ndzi yingisa.
Hatlisa u ta ndzi ponisa.+
Vana ntshava leyi ndzi nga ta tumbela eka yona,Ndhawu leyi sirhelelekeke leyi nga ta ndzi ponisa.+
3 Hikuva u ribye ra mina ni khokholo ra mina;+U ta ndzi rhangela u ndzi kongomisa+ hikwalaho ka vito ra wena.+
4 U ta ndzi ponisa eneteni leyi va ndzi fihleleke yona,+Hikuva u xisirhelelo xa mina.+
5 Ndzi veka moya wa mina evokweni ra wena.+
U ndzi ponisile, Yehovha Xikwembu xa ntiyiso.*+
6 Ndzi venga lava gandzelaka swifaniso leswi nga pfuniki nchumu,Kambe loko ku ri mina, ndzi tshemba Yehovha.
7 Ndzi ta tsaka swinene hikwalaho ka rirhandzu ra wena,Hikuva u vone ku xaniseka ka mina;+Wa ma tiva maxangu ya mina.
8 A wu ndzi nyiketanga eka nala.
Kambe u endle leswaku ndzi yima endhawini leyi sirhelelekeke.*
9 Yehovha Xikwembu xanga, ndzi twele vusiwana hikuva ndzi le khombyeni.
Matihlo ya mina ni miri wa mina hinkwawo swi tsanile+ hikwalaho ka maxangu.+
10 Vutomi bya mina byi hetiwa hi gome,+Ni malembe ya mina ma hetiwa hi nhlomulo.+
Xidyoho xa mina xi ndzi heta matimba;Marhambu ya mina ma tsanile.+
11 Valala va mina hinkwavo va ndzi hleka,+Ngopfungopfu vaakelani va mina.
Vanghana va mina va ndzi chava;Loko va ndzi vona va ndzi baleka.+
12 Va ndzi humesile etimbilwini* ta vona, va ndzi rivala onge hiloko ndzi file;Ndzi fana ni khuwana leri fayekeke.
13 Ndzi twe mavarivari yo tala yo biha;Ndzi rhendzeriwe hi ku chava.+
Loko va hlanganaVa boha makungu yo ndzi dlaya.+
14 Kambe ndzi tshemba wena Yehovha.+
Ndzi ri: “U Xikwembu xa mina.”+
15 Masiku ya mina ma le vokweni ra wena.
Ndzi ponise eka valala va mina ni le ka lava ndzi xanisaka.+
16 Komba nandza wa wena musa.+
Ndzi ponise hi rirhandzu ra wena.
17 Yehovha, u nga pfumeli ndzi khomiwa hi tingana loko ndzi ku vitana.+
Tingana a ti khome lavo homboloka;+A va miyetiwe eSirheni.*+
18 Milomu leyi hembaka yi nga ha vulavuli,+Milomu leyi titlakusaka ni ku delela, leyi lwaka ni lowo lulama.
19 Vunene bya wena byi tele swinene,+U byi vekele lava ku chavaka,+Naswona u byi kombe vanhu hinkwavo hikwalaho ka lava tumbelaka eka wena.+
20 U ta va fihla endhawini ya wena leyi tumbeleke+Eka makungu ya vanhu;U ta va tumbeta endhawini ya wenaEka vanhu lava va lumbetaka.+
21 Yehovha a a dzunisiwe,Hikuva u ndzi kombe rirhandzu ro hlamarisa+ loko ndzi ri emutini lowu rhendzeriweke.+
22 Loko ku ri mina ndzi chuhile hiloko ndzi ku:
“Ndzi ta lovisiwa emahlweni ka wena.”+
Kambe u twe xirilo xa mina xo kombela mpfuno.+
23 Rhandzani Yehovha, hinkwenu lava tshembekaka eka yena.+
Yehovha u sirhelela lava tshembekaka,+Kambe u va xupula ku vava lava tikurisaka.+
24 Vanani ni xivindzi, mi tiya timbilu,+N’wina hinkwenu lava rindzeleke Yehovha.+
Tinhlamuselo ta le hansi
^ Kumbe “Xikwembu xo tshembeka.”
^ Kumbe “leyi pfulekeke.”
^ Kumbe “emiehleketweni.”
^ Kumbe “eSheol.” Vona Tinhlamuselo.
