Tipisalema 32:1-11
Pisalema ya Davhida. Maskili.*
32 Wa tsaka la rivaleriweke xihoxo xakwe, loyi xidyoho xakwe xi funengetiweke.+
2 Wa tsaka munhu loyi Yehovha a nga n’wi voniki nandzu,+La nga riki na vukanganyisi.
3 Loko ndzi miyela marhambu ya mina a ma tsana, hikwalaho ka ku konya ka mina siku hinkwaro.+
4 Hikuva voko ra wena a ri ndzi tika vusiku ni nhlikanhi.+
Matimba ya mina ma hele ku fana ni mati lama hisiwaka hi dyambu ra ximumu. (Selah)
5 Ndzi hetelele ndzi ku phofulele xidyoho xa mina;A ndzi xi fihlanga.+
Ndzi te: “Ndzi ta phofulela Yehovha swidyoho swa mina.”+
Naswona wena u ndzi rivalele swona.+ (Selah)
6 Hi yona mhaka un’wana ni un’wana wo tshembeka a nga ta khongela eka wena+Loko wa ha kumeka.+
Kutani ni mati ya ndhambi a ma nge n’wi khukhuli.
7 U ndhawu ya mina yo tumbela eka yona;U ta ndzi sirhelela emaxangwini.+
U ta endla leswaku ku biwa mikulungwana hikuva u ndzi ponisile.+ (Selah)
8 “Ndzi ta endla leswaku u va ni ku twisisa ni ku ku dyondzisa ndlela leyi u faneleke u famba ha yona.+
Ndzi ta ku tsundzuxa ndzi ku veke tihlo.+
9 U nga fani ni hanci kumbe meyila leswi nga twisisiki,+Leswi faneleke swi lawuriwa hi tomu kumbe ntambhuLeswaku swi ta tshinela eka wena.”
10 Lowo homboloka u ni switlhavi swo tala;Kambe la tshembaka Yehovha wa n’wi sirhelela hikuva Wa n’wi rhandza.+
11 N’wina lava lulameke tsakani mi khana hikwalaho ka leswi Yehovha a swi endleke;Banani mikulungwana n’wina lava nga ni timbilu letinene.
Tinhlamuselo ta le hansi
^ Vona Tinhlamuselo.
