Tipisalema 33:1-22
33 Banani mikulungwana n’wina lava lulameke, hikwalaho ka Yehovha.+
Swa fanela ku va a dzunisiwa hi lavo lulama.
2 Khensani Yehovha hi haripa;N’wi yimbeleleleni mi n’wi dzunisa hi xitende xa tintambhu ta khume.
3 N’wi yimbeleleleni risimu lerintshwa;+Chayani switende hi ku tiyimisela mi ri karhi mi ba mikulungwana.
4 Hikuva rito ra Yehovha ri lulamile,+Naswona hinkwaswo leswi a swi endlaka u swi endla hi ku tshembeka.
5 U rhandza ku tshembeka ni vululami.+
Misava yi tele hi rirhandzu ra Yehovha.+
6 Yehovha u endle tilo hi rito rakwe,+Naswona hinkwaswo leswi nga etilweni u swi endle hi moya wakwe.
7 U hlengeleta mati ya lwandle onge hiloko ma ri edan’wini;+U hlayisa mati lama hobomulanaka.
8 Misava hinkwayo a yi chave Yehovha.+
A a xiximiwe hi vanhu hinkwavo lava tshamaka emisaveni.
9 Hikuva u vule kunene, ivi swi va kona;+U lerisile kutani swi va tano.+
10 Yehovha u pfilunganye makungu ya matiko;+U onhe tipulani* ta vanhu.+
11 Kambe switsundzuxo swa Yehovha swi ta va kona hilaha ku nga heriki;+Miehleketo yakwe yi ta va kona hi masiku.
12 Ra tsaka tiko leri Xikwembu xa rona ku nga Yehovha,+Vanhu lava a va hlawuleke leswaku va va ndzhaka yakwe.+
13 Yehovha u languta emisaveni a ri etilweni;U vona vanhu hinkwavo.+
14 U languta lava tshamaka emisaveniA ri laha a tshamaka kona.
15 Hi yena a nga endla timbilu ta vanhu hinkwavo;U kambisisa mitirho ya vona hinkwayo.+
16 Hosi a yi poni hikwalaho ka masocha ya yona yo tala;+Nhenha a yi ponisiwi hi matimba ya yona lamakulu.+
17 Hanci a yi nge n’wi ponisi munhu;+Hambileswi yi nga ni matimba, sweswo a swi vuli swona leswaku u ta baleka.
18 Waswivo! Yehovha u languta lava n’wi chavaka,+Lava rindzeleke leswaku a va komba rirhandzu rakwe,
19 Leswaku a ta va ponisa eka rifu,A va sirhelela va hanya hi nkarhi wa ndlala.+
20 Hi rindzele Yehovha.
I mupfuni wa hina ni xitlhangu xa hina.+
21 Ha tsaka hikwalaho ka yena,Hikuva hi tshemba vito rakwe ro kwetsima.+
22 Yehovha, hi kombe rirhandzu ra wena,+Loko ha ha ku rindzile.+
Tinhlamuselo ta le hansi
^ Kumbe “miehleketo.”
