Tipisalema 42:1-11
Eka mufambisi. Maskili* ya vana va Kora.+
42 Ku fana ni mhunti leyi navelaka mati ya swinambyana,Na mina ndza ku navela wena Xikwembu.
2 Ndzi ni torha ra Xikwembu, Xikwembu lexi hanyaka.+
Ndzi ta ya rini emahlweni ka Xikwembu?+
3 Mihloti ya mina i swakudya swa mina vusiku ni nhlikanhi;Siku hinkwaro vanhu va ndzi tlhontlha va ku: “Xi kwihi Xikwembu xa wena?”+
4 Swilo leswi ndza swi tsundzuka naswona mbilu ya mina ya vavaHikuva ndzi tshame ndzi famba ni ntshungu;A ndzi tala ku famba katsongo emahlweni ka wona ndzi ya endlwini ya Xikwembu,Hi ri karhi hi yimbelela tinsimu ta ku khensa,Ta ntshungu lowu tlangelaka nkhuvo.+
5 Hikwalaho ka yini ndzi ri ni gome?+
Hikwalaho ka yini ndzi pfilunganyekile?
Rindzela Xikwembu,+Hikuva ndza ha ta xi dzunisa hileswi xi nga Muponisi wa mina Lonkulu.+
6 Xikwembu xanga, ndzi ni gome.+
Hi yona mhaka ndzi ku tsundzukaka,+Ndzi ri etikweni ra Yordani ni le henhla ka tintshava ta Herimoni,Ndzi ri eNtshaveni ya Mizara.*
7 Xidziva xa mati xi vitana xidziva xa matiHi mpfumawulo wa mati ya wena ya le riweni.
Magandlati ya wena hinkwawo ma ndzi khubumetile.+
8 Yehovha u ta ndzi komba rirhandzu rakwe ninhlikanhi,Nivusiku risimu rakwe ri ta va na mina, xikhongelo lexi yaka eka Xikwembu xa vutomi bya mina.+
9 Ndzi ta byela Xikwembu, ribye ra mina, ndzi ku:
“Hikwalaho ka yini u ndzi rivele?+
Hikwalaho ka yini ndzi fanele ndzi fambafamba ndzi ri ni gome hikwalaho ko tshikileriwa hi nala wa mina?”+
10 Valala va mina va ndzi tlhontlha hi tihanyi;*Siku hinkwaro va ndzi tlhontlha va ku: “Xi kwihi Xikwembu xa wena?”+
11 Hikwalaho ka yini ndzi ri ni gome?
Hikwalaho ka yini ndzi pfilunganyekile?
Rindzela Xikwembu,+Hikuva ndza ha ta xi dzunisa hileswi xi nga Muponisi wa mina Lonkulu ni Xikwembu xa mina.+
Tinhlamuselo ta le hansi
^ Vona Tinhlamuselo.
^ Kumbe “exintshabyanini.”
^ Kumbexana “Onge hi loko va ndzi tshovelela marhambu.”