Tipisalema 54:1-7
-
Xikhongelo xo kombela mpfuno exikarhi ka valala
-
“Xikwembu i mupfuni wa mina” (4)
-
Eka mufambisi; risimu leri fambisanaka ni switende. Maskili* ya Davhida, loko Vasifi va fika eka Sawulo va ku: “Davhida u tumbele eka hina.”+
54 Xikwembu xanga, ndzi ponise hi vito ra wena,+Ndzi lwele+ hi matimba ya wena.
2 Xikwembu xanga, yingisa xikhongelo xa mina;+Yingisa leswi ndzi swi vulaka.
3 Hikuva ndzi hlaseriwa hi vanhu lava ndzi nga va tiviki,Vanhu va nsele va lava ku ndzi dlaya.+
A va xi xiximi Xikwembu.+ (Selah)
4 Waswivo! Xikwembu i mupfuni wa mina;+Yehovha u ni lava va ndzi seketelaka.
5 U ta rihisela valala va mina+ hi ku ya hi vubihi bya vona;Va herise* hikuva u tshembekile.+
6 Ndzi ta ku endlela magandzelo+ hi ku swi rhandza.
Ndzi ta dzunisa vito ra wena, Yehovha Xikwembu xanga, hikuva i swinene.+
7 Hikuva u ndzi ponisa emaxangwini hinkwawo,+Naswona ndzi ta tsaka loko ndzi vona valala va mina va hluriwile.+