Tipisalema 75:1-10
-
Xikwembu xi avanyisa hi ndlela leyinene
-
Vanhu vo homboloka va ta nwa exinwelweni xa Yehovha (8)
-
Eka mufambisi. Hi mayimbelelelo ya miloti leyi nge, “U Nga Lovisi.” Pisalema ya Asafa.+ Risimu.
75 Ha ku khensa wena Xikwembu, ha ku khensa;Vito ra wena ri na hina,+Naswona vanhu va twarisa mitirho ya wena yo hlamarisa.
2 Wena u ri: “Loko ndzi veka nkarhi,Ndzi avanyisa hi ku lulama.
3 Loko misava ni vaaki va yona hinkwavo va n’okile,Hi mina loyi a tiyiseke tiphuphu ta yona.” (Selah)
4 Ndzi byela lava tibumaka ndzi ku, “Mi nga tibumi,”Ni lavo homboloka ndzi ku, “Mi nga bombisi matimba* ya n’wina.
5 Mi nga tibumi hi matimba* ya n’winaKumbe mi tikukumuxa loko mi vulavula.
6 Hikuva ku tlakusiwa a ku humiEvuxeni kumbe evupeladyambu kumbe edzongeni.
7 Hikuva Xikwembu i Muavanyisi.+
Un’wana xa n’wi tlakusa, un’wana xa n’wi tsongahata.+
8 Hikuva Yehovha u khome xinwelo;+Vhinyo yi tlhutlha khuvi naswona yi pfanganisiwe kahle.
U ta yi chulula,Vanhu hinkwavo vo homboloka va ta yi nwa hinkwayo.”+
9 Kambe mina ndzi ta vulavula hi mitirho ya Xikwembu hilaha ku nga heriki;Ndzi ta yimbelela ndzi dzunisa Xikwembu xa Yakobo.
10 Hikuva xi ri: “Ndzi ta herisa matimba* ya lowo homboloka,Kambe matimba* ya lowo lulama ma ta engeteleka.”
Tinhlamuselo ta le hansi
^ Hi Xiheveru, “rimhondzo.”
^ Hi Xiheveru, “rimhondzo.”
^ Hi Xiheveru, “timhondzo.”
^ Hi Xiheveru, “timhondzo.”
