Tipisalema 84:1-12
Eka mufambisi; mayelana ni Gititi.* Pisalema ya vana va Kora.+ Miloti.
84 A hi ku saseka ka tabernakela ya wena leyikulu,+Yehovha wa mavuthu!
2 Ndzi swi navela hi mbilu hinkwayo,Ku ya eswivaveni* swa Yehovha+A ndza ha tikoti hi ku navela.
Ndzi dzunisa Xikwembu lexi hanyaka hi mbilu ni matimba ya mina hinkwawo.
3 Hambi ku ri xinyenyana xi kume yindlu kwalahoNi mbewulana* yi tikumele xisaka,Laha yi hlayisaka mavondlo ya yonaEkusuhi ni altari ya wena leyikulu, Yehovha wa mavuthu,Hosi yanga ni Xikwembu xanga!
4 Va tsaka lava tshamaka endlwini ya wena!+
Va ya emahlweni va ku dzunisa.+ (Selah)
5 Va tsaka vanhu lava kumaka matimba eka wena,+Lava timbilu ta vona ti tsakelaka ku famba hi tindlela leti yaka endlwini ya wena.
6 Loko va hundza eNkoveni wa Bakha,*Va wu hundzula ndhawu leyi nga ni swihlovo;Leyi katekisiwaka hi timpfula to sungula.
7 Va ta famba va nga karhali;+Hinkwavo ka vona va ta fika emahlweni ka Xikwembu eSiyoni.
8 Yingisa xikhongelo xa mina Yehovha Xikwembu xa mavuthu;Yingisa, wena Xikwembu xa Yakobo. (Selah)
9 Languta, xitlhangu+ xa hina ni Xikwembu xa hina,*Komba muhlawuriwa wa wena tintswalo.+
10 Hikuva siku rin’we eswivaveni swa wena ri tlula masiku ya gidi endhawini yin’wana!+
Ndzi hlawula ku va enyangweni ya yindlu ya Xikwembu xangaKu ri ni ku tshama ematendeni ya vanhu vo homboloka.
11 Hikuva Yehovha Xikwembu i dyambu+ ni xitlhangu;+U hi komba musa ni ku vangama.
Yehovha a nge va tsoni swilo leswineneLava fambaka hi ku tshembeka.+
12 Wa tsaka munhu loyi a ku tshembaka,+Wena Yehovha wa mavuthu.
Tinhlamuselo ta le hansi
^ Vona Tinhlamuselo.
^ Vona Tinhlamuselo.
^ Kumbe “nyenga; nkojana.”
^ Kumbe “nkova lowu nga ni mirhi ya bakha.”
^ Kumbexana “Vona xitlhangu xa hina, wena Xikwembu.”