Tipisalema 92:1-15
Miloti. Risimu ra siku ra Savata.
92 I swinene ku khensa Yehovha+Ni ku yimbelelela vito ra wena swidzuniso, wena La Nge Henhlahenhla,
2 Ku vulavula hi rirhandzu ra wena+ nimixoNi hi ku tshembeka ka wena nivusiku,
3 Ku ri karhi ku chayiwa xitende xa tintambhu ta khume,Ni mpfumawulo lowu nandzihaka wa haripa.+
4 Hikuva Yehovha Xikwembu xanga, u ndzi tsakisile hikwalaho ka mitirho ya wena;Ndzi huwelela hi ku tsaka hikwalaho ka mitirho ya mavoko ya wena.
5 Yehovha Xikwembu xanga, mitirho ya wena i yikulu swinene,+Miehleketo ya wena yi ente ngopfu!+
6 A ku na munhu la nga anakanyiki la nga yi tivaka;Naswona a ku na xihunguki lexi nga twisisaka leswi:+
7 Loko lavo homboloka va hluka ku fana ni byanyi*
Ni loko hinkwavo lava endlaka leswo biha swi va fambela kahle,Swi va tano leswaku va ta loviseriwa makumu.+
8 Kambe Yehovha, u tlakukile hilaha ku nga heriki.
9 Yehovha Xikwembu xanga, vona ku hluriwa ka valala va wena,Vona ndlela leyi valala va wena va nga ta lovisiwa ha yona;Hinkwavo lava endlaka swo biha va ta hangalasiwa.+
10 Kambe u ta endla leswaku ndzi va ni matimba ku fana ni nkuzi ya nhova;Ndzi ta tola mafurha lamantshwa.+
11 Ndzi ta swi vona loko valala va mina va hluriwa;+Tindleve ta mina ti ta twa hi ta ku lovisiwa ka vanhu vo homboloka lava ndzi hlaselaka.
12 Kambe lavo lulama va ta kula ku fana ni murhi wa ncindzu
Naswona va ta kula ku fana ni mukedari wa le Lebanoni.+
13 Va fana ni mirhi leyi byariweke endlwini ya Yehovha;Va kula eswivaveni* swa Xikwembu xa hina.+
14 Va ta ya emahlweni va veka mihandzu hambiloko va dyuharile;*+Va ta tshama va ri ni matimba,* va hanye kahle,+
15 Va vula leswaku Yehovha u lulamile.
I Ribye ra mina,+ a nga endli swilo leswi nga lulamangiki.
Tinhlamuselo ta le hansi
^ Hi Xiheveru, “nhova.”
^ Vona Tinhlamuselo.
^ Kumbe “va ri ni misisi yo basa.”
^ Hi Xiheveru, “nyuherile.”
