Tipisalema 95:1-11
95 Tanani, a hi beleni Yehovha mikulungwana!
A hi beni mikulungwana hi dzunisa Ribye ra hina leri hi ponisaka.+
2 A hi yeneni eka yena hi ya n’wi khensa;+A hi n’wi yimbeleleleni, hi n’wi bela mikulungwana.
3 Hikuva Yehovha i Xikwembu lexikulu,I Hosi leyikulu eka swikwembu leswin’wana hinkwaswo.+
4 Evokweni rakwe ku ni ku enta ka misava;Tinhlohlorhi ta tintshava i ta yena.+
5 Lwandle leri a ri endleke i ra yena,+Mavoko yakwe ma vumbe misava.+
6 Tanani, a hi khinsameni hi gandzela;A hi khinsameni emahlweni ka Yehovha Muendli wa hina.+
7 Hikuva i Xikwembu xa hina,Hina hi vanhu va madyelo ya yena,Tinyimpfu leti a ti risaka.*+
Loko namuntlha mi yingisa rito rakwe,+
8 Mi nga nonon’hwisi timbilu ta n’wina ku fana ni le Meriba,*+Ku fana ni le nkarhini wa Massa* emananga,+
9 Loko vakokwa wa n’wina va ndzi ringa;+Va ndzi tlhontlhile hambileswi va voneke mitirho ya mina.+
10 Ndzi nyenye vanhu va nkarhi wolowo ku ringana malembe ya 40, kutani ndzi ku:
“I vanhu lava tshamelaka ku hambuka etimbilwini ta vona;A va ti tivanga tindlela ta mina.”
11 Hikwalaho ndzi hlambanyile ndzi hlundzukile ndzi ku:
“A va nge ngheni eku wiseni ka mina.”+
Tinhlamuselo ta le hansi
^ Hi Xiheveru, “ta voko rakwe.”
^ Leswi vulaka “Ku Holova.”
^ Leswi vulaka “Ku Ringa; Ndzingo.”
