Tipisalema 96:1-13
96 Yimbelelelani Yehovha risimu lerintshwa.+
Misava hinkwayo a yi yimbelelele Yehovha!+
2 Yimbelelelani Yehovha; dzunisani vito rakwe.
Vulani mahungu lamanene ya ku ponisa kakwe siku ni siku.+
3 Twarisani vukulu byakwe exikarhi ka matiko,Mitirho yakwe yo hlamarisa eka vanhu hinkwavo.+
4 Yehovha i nkulu naswona u faneriwa hi ku dzunisiwa.
A xi kona xikwembu lexi hlamarisaka ku fana na yena.
5 Swikwembu leswin’wana hinkwaswo swa matiko a swi pfuni nchumu,+Kambe Yehovha hi yena loyi a endleke matilo.+
6 U ni xindzhuti naswona wa xiximeka;+Endhawini yakwe yo kwetsima ku ni matimba naswona ku sasekile.+
7 Xiximani Yehovha n’wina mindyangu ya vanhu,Xiximani Yehovha hikwalaho ka ku vangama ni matimba yakwe.+
8 Dzunisani Yehovha hikwalaho ka vito rakwe leri vangamaka;+Tanani ni nyiko mi nghena eswivaveni* swakwe.
9 Khinsamelani* Yehovha mi ambale swiambalo swa n’wina swo kwetsima;*Misava hinkwayo a yi rhurhumele emahlweni ka yena!
10 Byelani matiko mi ku: “Yehovha i Hosi!+
Misava yi simekiwe yi tiya, a yi nge tsekatsekisiwi.
U ta avanyisa vanhu hi ndlela yo lulama.”+
11 Matilo a ma tsake, misava a yi khane;Lwandle ni hinkwaswo leswi nga eka rona a swi pfume;+
12 Nhova ni hinkwaswo leswi nga eka yona a swi tsake.+
Hi nkarhi lowu fanaka mirhi hinkwayo leyi nga ekhwatini a yi huwelele hi ku tsaka+
13 Emahlweni ka Yehovha hikuva u le ku teni,*U tela ku ta avanyisa misava.
U ta avanyisa misava hi ku lulama+Ni vanhu hi ndlela leyinene.+
Tinhlamuselo ta le hansi
^ Vona Tinhlamuselo.
^ Kumbe “Gandzelani.”
^ Kumbexana “hikwalaho ka ku vangama ka ku kwetsima kakwe.”
^ Kumbe “u tile.”
