Tinhlamulo Ta Swivutiso Swa Bibele
Xana vumundzuku byi va khomele yini vanhu?
Xana rifu ra Yesu ri swi endlisa ku yini leswaku swi koteka ku va vanhu va khathalelana?
A swi kanakanisi leswaku vanhu va ta ya mahlweni va endla nhluvuko eka swilo swa sayense. Kambe, xana va ta swi kota ku endla leswaku vanhu va khathalelana? Doo! Namuntlha vanhu emisaveni hinkwayo va tele vutianakanyi ni makwanga. Hambiswiritano, Xikwembu xi tshembisa ku tisa xiyimo lexinene evanhwini.—Hlaya 2 Petro 3:13.
Rito ra Xikwembu ri hlamusela vumundzuku bya misava hinkwayo laha vanhu va nga ta rhandzana. Vanhu va ta sirheleleka naswona a ku nge vi na loyi a nga ta va vavisa.—Hlaya Mikiya 4:3, 4.
Vutianakanyi byi ta herisiwa njhani?
Eku sunguleni Xikwembu xi vumbe munhu a nga ri na vutianakanyi. Kambe leswi munhu wo sungula a hlawuleke ku nga yingisi Xikwembu, swi endle leswaku a nga ha hetiseki. Hina hi tekelele mukhuva lowu wa vutianakanyi. Kambe Xikwembu xi ta tirhisa Yesu leswaku a tlherisela ku hetiseka evanhwini.—Hlaya Varhoma 7:18, 21, 24, 25.
Yesu u file a va nkutsulo kutani a siva ku nga yingisi nga munhu wo sungula naswona sweswo a swi fambisana ni ku rhandza ka Xikwembu. (Varhoma 5:19) Hi ku endla tano, Yesu u endle leswaku swi koteka ku va vanhu va va ni vumundzuku lebyi hlamarisaka laha va nga ta ka va nga ha anakanyi ku endla swilo swo biha.—Hlaya Pisalema 37:9-11.
U Nga Ha Tsakela
XIHONDZO XO RINDZA
Switshembiso Leswi Nga Ta Hetiseka
Vuprofeta byo tala bya Bibele se byi hetisekile, kambe lebyi saleke byi vula vumundzuku bya hina.
XIHONDZO XO RINDZA
Ku Nga Ri Khale Xikwembu Xi Ta Herisa Ku Xaniseka Hinkwako
Hi swi tiva njhani leswaku ku nga ri khale Xikwembu xi ta herisa ku xaniseka hinkwako ni ku pfumaleka ka vululami?
