Loko Nkataku A Nga Tshembeki
EVUKATINI loko vanhu va nga tshembeki swi twisa ku vava. Mikarhi yin’wana van’wana va nga ha n’wi rivalela munghana wa vukati loko a cinca kutani va tikarhatela ku lunghisa vukati bya vona. * Ku nga khathariseki leswaku vukati bya vona bya humelela kumbe a byi humeleli, loyi a nga riki na nandzu u sala ni xilondza lexikulu. Xana lava twisiweke ku vava va nga xi tiyisela njhani xiyimo xexo?
TINDZIMANA TA BIBELE LETI NGA KU PFUNAKA
Ku nga khathariseki ku vava loku va ku tweke, vatekani lava va tshameke va tshembekile va chaveleleka loko va hlaya Matsalwa. Va dyondze leswaku Xikwembu xa ku vona ku vava loku va ku twaka naswona xi va twela vusiwana.—Malakiya 2:13-16.
“Loko miehleketo ya mina leyi ndzi karhataka yi tele endzeni ka mina, nchavelelo wa wena wu sungule ku vukarha moya-xiviri wa mina.”—Pisalema 94:19.
Bill, u ri: “Loko ndzi ri karhi ndzi hlaya ndzimana leyi, a ndzi twa onge Yehovha wa ndzi vukarha, ku fana ni tatana la nga ni rirhandzu.”
“U ta n’wi endla hi vutshembeki loyi a tshembekeke.”—Pisalema 18:25.
Carmen, loyi nuna wa yena a nga tshembeki ku ringana tin’hweti to tala, u ri: “Nuna wa mina a ndzi jolela, kambe ndzi tshame ndzi tshembele eka Yehovha hikuva a nge pfuki a ndzi khomise tingana.”
“Mi nga vileli ha nchumu, kambe eka hinkwaswo tivisani Xikwembu swikombelo swa n’wina hi xikhongelo; kutani ku rhula ka Xikwembu loku tlulaka miehleketo hinkwayo ku ta rindza timbilu ta n’wina.”—Vafilipiya 4:6, 7.
Sasha, u ri: “Ndzi hlaya ndzimana leyi hi ku phindhaphindha. Loko ndzi phikelela exikhongelweni Xikwembu xi ndzi nyika ku rhula.”
Hinkwavo lava boxiweke exihlokweni lexi va tshame va twa onge va nga lahla thawula. Kambe va titshege hi Yehovha Xikwembu naswona va kume matimba eRitweni rakwe. Bill, u te: “Ripfumelo ri ndzi pfune ndzi vona nkoka wo hanya hambileswi swilo a swi ndzi fambela ximatsi. Hambileswi ndzi fambeke nkarhi wo leha ‘enkoveni wa ndzhuti lowukulu,’ Xikwembu a xi ri na mina.”—Pisalema 23:4.
^ par. 4 Loko u lava ku tiva loko swi fanerile ku rivalela munghana wa wena wa vukati kumbe u nga n’wi rivaleli, vona nhlokomhaka ya Xalamuka! ya May 8, 1999, leyi nge, “Loko Nkataku A Nga Tshembeki.”
U Nga Ha Tsakela
XIHONDZO XO RINDZA
Xana Xikwembu Xi Na Ntwelavusiwana?
Bibele ya hi tiyisekisa leswaku Xikwembu xi ni mhaka, xi twisisa xiyimo xa hina naswona xi hi twela vusiwana.
XIHONDZO XO RINDZA
Endlani Leswaku Mi Tlhela Mi Tshembana eVukatini
Loko u tikarhatela ku hlayisa vukati bya wena endzhaku xiphiqo xo endla vuoswi, u langutane ni ntlhontlho lowukulu. Kambe u nga swi hlula!
XIHONDZO XO RINDZA
Ku Ya Emahlweni Ni Vutomi Endzhaku Ka Loko U Dlaye Vukati
Hinkwavo lava dlayeke vukati va kuma leswaku vutomi endzhaku ka sweswo bya tika ku tlula leswi a va byi languterise xiswona. Ndzayo ya Bibele leyi twisisekaka yi nga ku pfuna leswaku u langutana na swona hi ndlela leyi humelelaka.
