Ong-li I mbhoni ya Yehovha ya le Bulgaria. A dyondza Bibele na Zlatka, loyi nuna wa yena a a nga yi ngheni yo dyondza Bibele. Ong-li u ri: “Loko hi karhi hi bula hi timhaka ta mindyangu, ni kandziyise nkoka wo byela lava hi tekaneke na vona ni vana va hina leswaku ha va rhandza. Zlatka u ndzi xondzolotile, kutani a ku a nga se tshama a byela nuna wakwe kumbe n’wana wa yena wa nhwana la nga ni malembe ya kaye leswaku wa va rhandza!”

 Loko Zlatka a hlamusela u ri, “Ndzi tiyimisele ku va endlela xin’wana ni xin’wana, kambe swa ndzi hlula ku va byela marito wolawo.” Loko a ya emahlweni u ri, “mhani a nga se tshama a ndzi byela leswaku wa ndzi rhandza, naswona kokwa wa xisati a nga se tshama a byela mhani leswaku wa n’wi rhandza.” Ong-li u kombe Zlatka laha Yehovha a byele Yesu hi rito leri twakalaka leswaku wa n’wi rhandza. (Matewu 3:17) U khutaze Zlatka ku kombela Yehovha leswaku a n’wi pfuna emhakeni leyi naswona a tiyimisela ku byela nuna wa yena ni ntombhi yakwe leswaku wa va rhandza.

 Ong-li U ri: “Endzhaku ka masiku mambirhi, Zlatka u ndzi byele leswaku u khongele eka Yehovha leswaku a n’wi pfuna. Loko nuna wa Yena a vuya, u n’wi byele leswaku dyondzo ya Bibele yi n’wi dyondzise nkoka wo va wansati a xixima nuna wa yena a tlhela a n’wi rhandza. Endzhaku ko miyelanyana, Zlatka u byele nuna wa yena leswaku wa n’wi rhandza swinene! Loko n’wana wa yena wa nhwana a vuya ekaya, u n’wi angarhile kutani a n’wi byela leswaku wa n’wi rhandza! Zlatka loko a ti phofula u ri: ‘Sweswi ndzi titwa ndzi rhuliwe ndzhwalo. Malembe lama hinkwawo a ndzo fa na swo, kambe sweswi hi ku pfuniwa hi Yehovha, ndza swi kota ku byela ndyangu wa mina leswaku ndza wu rhandza.’

 Ong-li u ri: “Endzhaku ka vhiki, ndzi hlangane na nuna wa Zlatka, u te eka mina: ‘Vanhu vo tala a va vula leswaku a ndzi fanelanga ndzi pfumelela Zlatka a dyondza Bibele na wena, kambe ndzi vula ndzi nga ti pfinyingi, dyondzo ya Bibele yi le ku pfuneni ka ndyangu wa hina swinene. Sweswi hi tsakile swinene.’”