Tipisalema 10:1-18
ל [Lamedi]
10 Yehovha Xikwembu xanga, hi mhaka muni u nyima hi kule?
Hi mhaka muni u tifihla ka minkama ya mahlomulu ke?+
2 Hi ku tibyela, lweyi wa ku biha a xanisa lweyi a kalaka a nga na mupfuni,+Kambe a ta phasiwa hi maplanu* ya yena.+
3 Hikusa lweyi wa ku biha a tibyela hi swaku a nga tiyendlela ku rhandza+A katekisa lweyi a lavaka swa yena ntsena;*נ [Nuni]A delela Yehovha.
4 Hi mhaka ya ku tibyela lweyi wa ku biha a nga kambisisi nchumu;A tibyela leswi: “A ku na Xikwembu.”+
5 Leswi a swi yendlaka swi tshamela ku famba kahle,+Kambe a nga yi twisisi minawu ya wena;+A nyenya valala va yena hinkwavu.
6 A tibyela leswi: “A ni nge tshuki ni tsekatsekisiwile;A ni nge tshuki ni humeleliwa hi khomboHi masiku ni masiku.”+
פ [Pe]
7 Nomo wa yena wu tale hi nhlambha, mavunhwa ni ku chavisela van’wani;+Lirimi la yena li vanga mahlomulu.+
8 A tshama na a tumbelile kusuhi ni swidoropani;A tumbelela munhu wa ku kala a nga na nandzu a mu dlaya.+
ע [Ayini]
Matihlo ya yena ma lavetela lweyi a nga kumiwaka hi khombo.+
9 A tumbela ku fana ni nghonyama leyi nga khwatini.+
A tumbela swaku a ta khoma lweyi a kalaka a nga na mupfuni.
A khoma lweyi a kalaka a nga na mupfuni hi redi la yena.+
10 Lweyi a khomiwaka wa hluliwa a wa hansi;Lweyi a kumiwaka hi khombo wa hahluleliwa.
11 A tibyela leswi: “Xikwembu xi swi khohlwile.+
Xi fihle nghohe* ya xona.
A xi nge tshuki xi swi vonile.”+
ק [Kofi]
12 Humelela, Yehovha.+ Wena Xikwembu xanga, tlakusa voko la wena.+
U nga va khohlwi lava kalaka va nga na mupfuni.+
13 Hi mhaka muni lweyi wa ku biha a delela Xikwembu?
A tibyela leswi: “A wu nge ni nyiki nandzu.”
ר [Rexi]
14 Kambe wena wa ma vona mahlomulu ni ku karhateka.
Lweyi a hluphekaka a tsutsumela ka wena.+
Wa mu txuvuka u gama u mu lamulela.+U mupfuni wa n’wana lweyi a nga feliwa hi vapsali.*+
ש [Ximi]
15 Tshova voko la munhu wa ku biha,+Swaku loko u kambisisa wubihi la yena,U nga ha li kumi.
16 Yehovha i Hosi hi masiku ni masiku.+
Matiko ma helisiwile amisaveni.+
ת [Tawu]
17 Kambe u ta twa xikombelo xa lava ku rhula, wena Yehovha.+
U ta tiyisa timbilu ta vona+ u tlhela u va yingisela.+
18 U ta lwela vana lava nga feliwa hi vapsali* ni lava karhatiwaka,+Leswaku va nga ha chavisiwi hi munhu.+
Tinhlamunselu ta le hansi
^ Kumbe: “makungu”.
^ Kumbexana: “Lweyi a tilavelaka swa yena ntsena wa tikatekisa.”
^ Kumbe: “kara la”.
^ Hi Xiheberu: “papayi.”
^ Hi Xiheberu: “papayi”.
