Tipisalema 107:1-43
107 Khensani Yehovha, hikusa i munene;+Lirhandzu la yena lalikulu a li heli.+
2 Lava Yehovha a nga va ponisa* a va vule leswo,Lava a nga va ponisa ka voko la nala,+
3 Lava a nga va hlengeleta va huma ka matiko,+Ku sukela awuxeni ni le wupeladlambu,Ku sukela anorte* ni le sul.*+
4 Va rhendzeleke amananga;A va yi kumanga ndlela leyi yaka ka doropa leli va nga ta tshama ka lona.
5 A va twa ndlala ni torha;A va yo pfotlo hi ku karhala.
6 A va tshamela ku rilela Yehovha ka mahlomulu ya vona;+A va ponisile ka swikarhatu swa vona.+
7 A va fambise ka ndlela yayinene+Leswaku va fika ka doropa leli a va ta tshama ka lona.+
8 Vanhu a va khense Yehovha+ hi mhaka ya lirhandzu la yena lalikuluNi hi mhaka ya mintirho ya yena ya ku hlamalisa leyi a nga va yendlela yona.+
9 Hikusa a temule torha la lava a va ni torhaA xurhisa lava a va ni ndlala hi minchumu yayinene.+
10 Van’wani a va tshama ka munyama wa ku chavisa,Swib’ochwa a swi xaniseka naswona a swi bohiwe hi tinsimbi.
11 Hikusa a va li yingisanga rito la Xikwembu;A va xi yingisanga xitsundzuxu xa Lweyi A Nga Tlakuka.+
12 Se a va xixile hi ku va tshika va hlupheka;+Va tigumulile va wa ku nga na wa ku va pfuna.
13 Kutani va sungula ku kombela Yehovha swaku a va pfuna ka mahlomulu ya vona;A va phulile ka swikarhatu swa vona.
14 A va humese ka munyama wa ku chavisa,A tsema tinsimbi leti a va bohiwe hi tona.+
15 Vanhu a va khense Yehovha hi mhaka ya lirhandzu la yena lalikulu+Ni hi mhaka ya mintirho ya yena ya ku hlamalisa leyi a nga va yendlela yona.
16 Hikusa a tshove swipfalu swa kobre,A tsema tinsimbi ta ku khiya hi tona.+
17 A va li swiphunta naswona va xanisekile+Hi mhaka ya swidjoho swa vona ni swihoxo swa vona.+
18 Swakudla a swi nga ha ngheni;Sirha a li va pfulele nomo.
19 A va kombela Yehovha a va pfuna loko va li ka mahlomulu;A a va phula ka swikarhatu swa vona.
20 A a rhumela rito la yena swaku a va hanyisa+Ni ku va ponisa ka khele leli a va wele ka lona.
21 Vanhu a va khense Yehovha hi mhaka ya lirhandzu la yena lalikuluNi hi mhaka ya mintirho ya yena ya ku hlamalisa leyi a nga va yendlela yona.
22 A va yendle magandzelo ya ku khensa+Va tivisa van’wani mintirho ya yena hi ku tsaka.
23 Lava fambaka lwandle hi maboti,Lava yendlaka manegosu ka mati ya manyingi,+
24 Va vone mintirho ya YehovhaNi mintirho ya yena ya ku hlamalisa alwandle;+
25 Ndlela leyi rito la yena li pfuxaka xidzedze hi yona,+Se ku pfuka magandlati ya lwandle.
26 Va khwela matilweni;Va tlhelela hansi ka lwandle la ku yenta.
Phela vo rhurhumela hi mhaka ya khombo leli nga phambheni ka vona.
27 Va tsekatseka va dederekela ku fana ni xidakwa,Naswona wutlharhi la vona hinkwalu a li va pfunanga hi nchumu.+
28 Se va rilela Yehovha nkama a va li ka mahlomulu;+Kutani a va phula ka swikarhatu swa vona.
29 A nyimisa xidzedze;Magandlati ya lwandle ma rhula.+
30 Va tsaka loko lwandle li rhula,Naswona a va yisa lomu va ku tsakelaka.
31 Vanhu a va khense Yehovha hi mhaka ya lirhandzu la yena lalikuluNi hi mhaka ya mintirho ya yena ya ku hlamalisa leyi a nga va yendlela yona.+
32 A va mu dzunise lomu vanhu va hlengeletanaka kona,+A va mu dzunise xikarhi ka madoda.
33 A txintxa minambu yi va manangaNi swihlovo swa mati swi va ndhawu ya ku woma,+
34 Tiko la ku nona li va ndhawu leyi nga ni munyu ya ku a yi pfuni nchumu,+Hi mhaka ya wubihi la lava tshamaka ka lona.
35 A txintxa mananga ma va ndhawu leyi nga ni mati,*Ni ndhawu ya ku woma yi va swihlovo swa mati.+
36 A yendla swaku lava nga ni ndlala va tshama kolanu,+Swaku va ta yaka doropa leli va nga ta tshama ka lona.+
37 Va rima masimu va byala minsinya ya mawuvha+Leyi psalaka mihandzu ya yinyingi.+
38 Wa va katekisa va za va tala hintamu;A nga ti tshiki tihomu ta vona ti pumbeka.+
39 Kambe va tlhele va pumbeka, va danisiwaHi mhaka ya ku xanisiwa, khombo ni ku karhateka.
40 A danisa vanhu va xiyimu xa le henhla,Ni ku va rhendzelekelisa mananga lani ku kalaka ku nga na ndlela.+
41 Kambe a vhikela swisiwana swaku swi nga xanisiwi+A yendla swaku mindjangu ya swona yi tala hintamu ku fana ni ntlhambi.
42 Lava ku lulama va swi vona va tsaka;+Kambe hinkwavu lava kalaka va nga lulamanga va pfala minomo.+
43 Lweyi a nga tlhariha a ta vona swilo leswi+Naswona a ta kambisisa mintirho ya Yehovha ya lirhandzu.+
Tinhlamunselu ta le hansi
^ Kumbe: “xava”.
^ Kumbe: “n’walungwini”.
^ Kumbe: “adzongeni.”
^ Kumbe: “maqhivi”.
