Tipisalema 108:1-13
Lisimu. Pisalema ya Davhida.
108 Mbilu ya mina yi nyime yi tiya, Xikwembu xa mina.
Ni ta hamba lisimu ni tlhela ni yimbelela hi mbilu ya mina hinkwayu.+
2 Khindlimuka, wena xitende* na wena haripa.+
Ni ta pfuka nimpundzu.
3 Ni ta ku dzunisa xikarhi ka vanhu, Yehovha Xikwembu xa mina,Ni ta ku yimbelelela tinsimu xikarhi ka vamatiko.
4 Hikusa lirhandzu la wena i likulu li fika ni le tilweni,+Ni ku tshembeka ka wena ku fika ni le ka marhefu.
5 Kombisa wuhosi la wena atilweni, Xikwembu xa mina;Ku dzuneka ka wena a ku ve henhla ka misava hinkwayu.+
6 Leswaku lava u va rhandzaka va ta ponisiwa,Hi ponise hi voko la wena la xinene u tlhela u ni hlamula.+
7 Xikwembu lexi kwetsimaka* xi vulavulile xi ku:
“Ni ta tsaka, ni ta nyikela Xikemi+ swaku a va tshomba,Ni ta pima Nkova wa Sukoti.+
8 Tiko la Jiliyadi+ i la mina ku fana na Manasi,Kasi Efrayimi i xivhikelo xa nhloko* ya mina;+Yuda i nhonga ya murhangeli wa mina.+
9 Mowabu i baziya leli ni hlambelaka ka lona.+
Ni ta hoxa sandaliya la mina henhla ka Edomu.+
Naswona ni ta ba nkulungwani hileswi ni nga hlula Vafilista.”+
10 I mani lweyi a nga ta ni yisa ka doropa leli nga ni mimuru ya ku tiya hintamu?*
I mani lweyi a nga ta ni yisa aEdomu?+
11 Kasi a hi wena Xikwembu u nga hi tshika,Xikwembu xa hina, lexi nga tshika ku seketela masonchwa ya hina?+
12 Hi pfune ka mahlomulu ya hina,+Hikusa ku ponisiwa hi vanhu a swi pfuni nchumu.+
13 Xikwembu xi ta hi nyika matimba,+Naswona xi ta kandzihela valala va hina.+
Tinhlamunselu ta le hansi
^ I nchumu xa ku chaya muzika.
^ Kumbexana: “lexi nga ka ndhawu ya xona ya ku kwetsima”.
^ Hi Xiheberu: “ndhawu ya ku tumbela ka yona”.
^ Kumbe: “biyeliwa.”
