Tipisalema 118:1-29
118 Khensani Yehovha, hikusa i munene;+Lirhandzu la yena lalikulu a li heli.
2 Israyele a a hlaye swoswi a ku:
“Lirhandzu la yena lalikulu a li heli.”
3 Vandjangu wa Aroni a va hlaye swoswi va ku:
“Lirhandzu la yena lalikulu a li heli.”
4 Lava chavaka Yehovha a va hlaye swoswi va ku:
“Lirhandzu la yena lalikulu a li heli.”
5 Ni vitane Yehovha* nkama a ni li ka mahlomulu;Yehovha a ni hlamulile a gama a ni yisa lomu ku nga hlayiseka.+
6 Yehovha a kusuhi na mina; a ni nge chavi nchumu.+
A nga ni yendla yini munhu?+
7 Yehovha a kusuhi na mina leswaku a ta ni pfuna;*+Ni ta swi vona nkama lava va ni nyenyaka va nga ta hluliwa.+
8 Swa yampsa ku tumbela ka YehovhaKu tlula ku tshemba vanhu.+
9 Swa yampsa ku tumbela ka YehovhaKu tlula ku tshemba varhangeli.*+
10 Matiko hinkwawu ma ni rhendzelile,Kambe ni ma hlulile+Hi vito la Yehovha.
11 A ma ni rhendzelile, a ni rhendzeliwe matlhelo hinkwawu,Kambe ni ma hlulileHi vito la Yehovha.
12 A ma ni rhendzelile ingi i tinyoxi,Kambe ma helisiwile hi ku hantlisa ku fana ni mimintwa loko yi psha hi ndzilu.
Ni ma hlulile+Hi vito la Yehovha.
13 Ni susumetiwe hintamu* swaku ni wa,Kambe Yehovha a ni pfunile.
14 Yehovha i ndhawu ya mina ya ku tumbela ni matimba ya mina,Naswona a ni ponisile.+
15 Ku twala minkulungwani ni ku tsakaKa matende ya lava ku lulama.
Voko la Yehovha la xinene li kombisa matimba ya lona.+
16 Voko la Yehovha la xinene li tlakukile;Voko la Yehovha la xinene li kombisa matimba ya lona.+
17 A ni nge fi, ihim, ni ta hanya,Leswaku ni ta twalisa mintirho ya Yehovha.+
18 Yehovha a ni khatise hi ndlela ya ku vava,+Kambe a nga zanga a ni tshika ni fa.+
19 Ni pfuleleni swipfalu swa ku lulama;+Ni ta nghena ni dzunisa Yehovha.
20 Lexi i xipfalu xa Yehovha.
Lava va ku lulama va ta nghena hi xona.+
21 Ni ta ku dzunisa, hikusa u ni hlamulile+Funtshi u ni ponisile.
22 Ribye leli vayaki va nga li yalaHi lona leli nga yendliwa ribye la lisima hintamu.*+
23 Li ta hi ka Yehovha;+Naswona la hi hlamalisa.+
24 Leli i siku leli nga yendliwa hi Yehovha;Hi ta tsaka, hi tsaka hintamu hi siku leli.
25 Yehovha, hi kombela u hi ponisa, ho kombela!
Yehovha, hi kombela u hi pfuna swaku hi hlula!
26 A katekile lweyi a taka hi vito la Yehovha;+Ha mi katekisa na hi li ka yindlo ya Yehovha.
27 Yehovha i Xikwembu;A hi nyika ku vonakala.+
Longolokani ni lava yaka fexteni, na mi khome tigadja,+Anze mi ya fika ka timhondzo ta altari.+
28 U Xikwembu xa mina, ni ta ku dzunisa;Xikwembu xa mina, ni ta ku tlakusa.+
29 Khensani Yehovha,+ hikusa i munene;Lirhandzu la yena a li heli.+
Tinhlamunselu ta le hansi
^ Kumbe: “Yah”. Yah i magomiselo ya vito leli nge Yehovha.
^ Kumbexana: “ni lava va ni pfunaka.”
^ Kumbe: “tihosana.”
^ Kumbexana: “U ni susumete hintamu”.
^ Hi Xiheberu: “ribye la le ponteni.”
