Tipisalema 135:1-21
135 Dzunisani Yehovha!*
Dzunisani vito la Yehovha;Mu dzuniseni, n’wina lava tirhelaka Yehovha,+
2 N’wina lava tirhaka* ka yindlo ya Yehovha,Ka mikintari* ya yindlo ya Xikwembu xa hina.+
3 Dzunisani Yehovha, hikusa Yehovha i munene.+
Yimbelelani mi dzunisa vito la yena, hikusa i linene.
4 Hikusa Yehovha a tilangele Yakobe,A lange Israyele swaku a va tshomba la yena la ku hlawuleka.+
5 Hikusa ni swi tiva kahle swaku Yehovha i mukulu;Hosi ya hina yi tlakuke ku tlula swikwembu leswin’wani hinkwaswu.+
6 Yehovha a yendla hinkwaswu leswi a swi lavaka+Amatilweni ni misaveni, alwandle ni le ndzenindzeni ka lona.
7 A yendla swaku marhefu* ma suka amisaveni ma ya henhla;A yendla ku va ni ku hatima leswaku ku na mpfula;A humesa moya lani a nga wu veka kona.+
8 A dlaye matevula ya Gibita,Vanhu ni swiharhi.+
9 A yendle swikombiso ni masingita ka wena, wena Gibita,+Ka Faru ni vatirhi va yena hinkwavu.+
10 A dlaye matiko ya manyingi+Ni tihosi ta matimba,+
11 Ku nga Sihoni hosi ya Vaamori,+Na Ogi hosi ya Baxani+Ni mimfumu hinkwayu ya le Kanana.
12 A yendle swaku tiko la vona li va tshomba,Li va tshomba la vanhu va yena ku nga Vayisrayele.+
13 Yehovha Xikwembu xa mina, vito la wena li tshama hi masiku ni masiku.
Yehovha, ndhuma* ya wena yi ta tshama na yi khumbukiwa hi vanhu hinkwavu.+
14 Hikusa Yehovha a ta lwela vanhu va yena,+A ta va twela wusiwana lava mu tirhelaka.+
15 Swikwembu swa matiko i prata ni woru,Swi yendliwe hi munhu.+
16 Swi ni nomo kambe a swi vulavuli;+Swi ni matihlo kambe a swi voni;
17 Swi ni tindleve kambe a swi twi.
Naswona a swi hefemuli.+
18 Vanhu lava swi yendlaka va ta fana na swona,+Ni hinkwavu lava va swi tshembaka.+
19 Dzunisani Yehovha, n’wina vandjangu wa Israyele.
Dzunisani Yehovha, n’wina vandjangu wa Aroni.
20 Dzunisani Yehovha,+ n’wina vandjangu wa Levhi.
Dzunisani Yehovha, n’wina lava chavaka Yehovha.
21 Yehovha a a dzunisiwi ku sukela aSiyoni,+Yena lweyi a tshamaka aYerusalema.+
Dzunisani Yehovha!+
Tinhlamunselu ta le hansi
^ Kumbe: “Aleluya!” Leswi vulaka “Dzunisani Yah.” Yah i magomiselo ya vito leli nge Yehovha.
^ Kumbe: “lava nga nyima”.
^ Vona Ntlhamuselo.
^ Kumbe: “mati ma psha; ma khwa”.
^ Kumbe: “vito”.
