Tipisalema 137:1-9
137 A hi tshame kusuhi ni minambu ya Babilona.+
Hi rilile nkama hi nga khumbuka Siyoni.+
2 Hi hayeke tiharipa ta hina,+Ahenhla ka minsinya ya maxopu* axikarhi ka Babilona.
3 Hikusa kolanu lava va nga hi yendla swikarawa va kombele swaku hi va yimbelelela lisimu,+Lava va hi poyilaka a va lava hi va hungatisa, va ku:
“Hi yimbeleleni lin’we la tinsimu ta Siyoni.”
4 Hi nga li yimbelelisa ku yini lisimu la YehovhaKa tiko la vanhu van’wani?
5 Loko no tshuka ni ku khohlwa, wena Yerusalema,Voko la mina la xinene a li khohlwe ntirho wa lona.*+
6 Nomo wa mina a wu pfalekeLoko ni nga ha ku khumbuki,Loko Yerusalema a nga ha li xivangelo xa minaXa ku tsaka ku tlula swilo hinkwaswu.+
7 Yehovha Xikwembu xa mina, khumbukaLeswi Vaedomu va nga swi vula hi siku leli doropa la Yerusalema li nga helisiwa hi lona, hi leswi:
“Li dilize! Li dilize ni masungulo* ya lona!”+
8 Doropa la Babilona, wena u nga kusuhi ni ku helisiwa,+A ta tsaka lweyi a nga ta ku xanisaKu fana ni leswi u nga hi xanisisa swona.+
9 A ta tsaka lweyi a nga ta khoma vana va wenaA va pshandlasa henhla ka maribye.+
Tinhlamunselu ta le hansi
^ Hi Xiheberu rito leli li kombetela ka minsinya leyi a yi tolovela ku kula amatlhelweni ka minambu.
^ Kumbexana: “a li wome.”
^ Kumbe: “fundação”.
