Tipisalema 143:1-12
Pisalema ya Davhida.
143 Yehovha Xikwembu xanga, yingisa xikhongelo xa mina;+Yingisa loko ni kombela ku pfuniwa.
Ni hlamule hikusa u tshembekile funtshi u lulamile.
2 U nga ni yavanyisi mina mutirheli wa wena,Hikusa a ku na munhu lweyi a kalaka a nga na nandzu phambheni ka wena.+
3 Hikusa nala wa ni hlongolisa;A kandzihele wutomi la mina.
A yendle swaku ni tshama ka munyama ku fana ni lava va nga fa khale.
4 Ni hela ntamu;+Ni mbilu ya mina a ya ha gwenti nchumu.+
5 Ni khumbuka minkama ya khale;Ni pimisa hi mintirho ya wena hinkwayu;+Ni pimisa* hi mintirho leyi u nga yi yendla.
6 Ni tlakusela mavoko ya mina ka wena;Ni fana ni tiko leli nga woma leli nga ni torha la wena.+ (Sela)
7 Ni hlamule hi ku hantlisa, Yehovha Xikwembu xanga;+Se ni hele ntamu.+
U nga ni tumbeteli nghohe* ya wena,+Loko u nga yendli leswo ni ta fana ni lava nghenaka sirheni.+
8 Ni kombi swaku wa ni rhandza nimixo,Hikusa na ku tshemba.
Ni kombi ndlela leyi ni faneleke ni famba hi yona,+Hikusa na ku tshemba.
9 Yehovha Xikwembu xanga, ni ponisi ka valala va mina.
Ni lava ku vhikeleliwa hi wena.+
10 Ni djondzisi ku yendla ku rhandza ka wena,+Hikusa u Xikwembu xa mina.
Moya wa wena wa ku kwetsima i wunene;A wu ni yise ka tiko la ku lulama.
11 Yehovha Xikwembu xanga, ni hlayisi ni hanya hi mhaka ya vito la wena.
Ni ponisi ka mahlomulu ya mina hikusa u lulamile.+
12 Ni kombi swaku wa ni rhandza hi ku helisa* valala va mina;+Helisa hinkwavu lava va ni karhataka,+Hikusa ni mutirheli wa wena.+
