Tipisalema 144:1-15
Pisalema ya Davhida.
144 A ku dzunisiwe Yehovha, Ribye la mina,+Lweyi a djondzisaka mavoko ya mina ku lwa,Lweyi a djondzisaka tintiho ta mina nyimpi.+
2 I ndhawu ya mina ya ku tiya funtshi wa ni rhandza,I ndhawu ya mina ya ku tumbela ka yona ni muponisi wa mina,Xivhikelo xa mina ni Lweyi ni tumbelaka ka yena,+Lweyi a hlulaka vanhu swaku va va hansi ka mina.+
3 Yehovha Xikwembu xanga, kasi munhu o va yini swaku u va ni mhaka na yena,N’wana wa munhu o va yini swaku u mu yingisa?+
4 Phela munhu o fana ni moya;+Masiku ya yena ma fana ni ndzhuti lowu hundzaka.+
5 Yehovha Xikwembu xanga, byekelisa matilo u xika;+Khumba tintshava u ti yendla ti tuvika ximusi.+
6 Rhumela ku hatima swaku ku hangalasa valala va wena;+Va txopi hi mimpaxwa* ya wena va nga ha xi tivi ni xa ku xi yendla.+
7 Pfula mavoko ya wena;Ni ponisi u ni humesa ka mati lawa ma kokanaka,Ka voko la vanhu va matiko man’wani,+
8 Lava vulavulaka mavunhwaLava tlakusaka voko la vona la xinene swaku va funga leswi kalaka swi nga li ntiyiso.
9 Xikwembu xanga, ni ta ku yimbelelela lisimu la nyuwani.+
Ni ta yimbelela ni ku dzunisa hi xitende xa 10 wa tingoti,
10 Lweyi a yendlaka swaku tihosi ti hlula,+Lweyi a ponisaka mutirheli wa yena Davhida ka xipada lexi dlayaka.+
11 Ni chunsi u ni ponisa ka vanhu va matiko man’wani,Lava vulavulaka mavunhwaLava tlakusaka voko la vona la xinene swaku va funga leswi kalaka swi nga li ntiyiso.
12 Kutani vana va hina va madjaha va ta fana ni swinsinyani leswi kulaka hi ku hantlisa,Vana va hina va tintombhi va ta fana ni mapilari lawa ma yendleliwaka yindlo ya wuhosi.
13 Matshala ya hina ma ta tala hi swakudla swa mixaka hinkwayu;Swifuyu swa hina swi ta va swinyingi swi tlhela swi nga konteki, hi ku tala ka swona.
14 Tihomu ta hina leti nga ni tinyimba a ti nge humeleliwi hi nghozi kumbe ti feliwa;A nga kona lweyi a nga ta rila ka tindlela ta doropa hi mhaka ya ku vaviseka.
15 Va tsaka vanhu lava va tikhorisaka hi minchumu leyi hinkwayu!
Va tsaka vanhu lava Xikwembu xa vona ku nga Yehovha!+
Tinhlamunselu ta le hansi
^ Kumbe: “maflexa”.
