Tipisalema 145:1-21
-
Ku dzunisa Xikwembu Hosi leyikulu
Lisimu la Davhida la ku dzunisa.
א [Alefi]
145 Ni ta ku dzunisa, Xikwembu xa mina lexi nga Hosi,+Ni ta dzunisa vito la wena hi masiku ni masiku.+
ב [Beti]
2 Ni ta ku dzunisa siku hinkwalu;+Ni ta dzunisa vito la wena hi masiku ni masiku.+
ג [Gimeli]
3 Yehovha i mukulu funtshi a faneliwa hi ku dzunisiwa,+Wukulu la yena la karhata ku li twisisa.*+
ד [Daleti]
4 Tinxaka hinkwatu ti ta dzunisa mintirho ya wena;Vanhu va ta vulavula hi mintirho ya wena ya matimba.+
ה [He]
5 Va ta vulavula hi wukulu+ ni matimba ya wena,Mina ni ta pimisa* hi mintirho ya wena ya ku hlamalisa.
ו [Vawu]
6 Va ta vulavula hi mintirho* ya wena ya ku hlamalisa,Mina ni ta twalisa wukulu la wena.
ז [Zayini]
7 Va ta ku dzunisa hi mhaka ya mintirho ya wena yayinene ya yinyingi,+Va ta ba nkulungwani hi mhaka ya ku lulama ka wena.+
ח [Heti]
8 Yehovha a ni ntwelawusiwana ni timpsalu,+A hlwela ku kwata naswona a ni lirhandzu lalikulu.+
ט [Teti]
9 Yehovha a yendlela hinkwavu swaswinene,+Mintirho ya yena hinkwayu yi kombisa timpsalu ta yena.
י [Iyodi]
10 Yehovha Xikwembu xanga, mintirho ya wena hinkwayu yi ta ku dzunisa,+Lava va tshembekaka ka wena va ta ku dzunisa.+
כ [Kafi]
11 Va ta twalisa ku phatima ka wuhosi la wena,+Va ta vulavula hi matimba ya wena,+
ל [Lamedi]
12 Leswaku va byela vanhu mintirho ya wena ya matimba+Ni ku phatima ka wuhosi la wena.+
מ [Memi]
13 Wuhosi la wena li ta tshama na li li kona,Naswona ku fuma ka wena i ka hi masiku ni masiku.+
ס [Sameki]
14 Yehovha a tiyisa hinkwavu lava waka,+Funtshi a pfuxa hinkwavu lava nga khizama.+
ע [Ayini]
15 Hinkwaswu leswi hanyaka swi tshembe wena;U swi nyika swakudla hi nkama wa kona.+
פ [Pe]
16 U pfula voko la wenaU nyika* hinkwaswu leswi hanyaka leswi swi swi navelaka.+
צ [Tsadi]
17 Yehovha a lulamile ka tindlela ta yena hinkwatu+Naswona wa tshembeka ka hinkwaswu leswi a swi yendlaka.+
ק [Kofi]
18 Yehovha a kusuhi ni hinkwavu lava va mu vitanaka,+Ni ka hinkwavu lava va mu vitanaka hi ntiyiso.+
ר [Rexi]
19 A nyika lava va mu chavaka leswi va swi navelaka;+A twa xirilo xa vona xa ku kombela ku pfuniwa se a va lamulela.+
ש [Ximi]
20 Yehovha a vonelela hinkwavu lava va mu rhandzaka,+Kambe a ta helisa hinkwavu lava va ku biha.+
ת [Tawu]
21 Nomo wa mina wu ta dzunisa Yehovha;+Hinkwaswu leswi hanyaka a swi dzunise vito la yena la ku kwetsima hi masiku ni masiku.+
Tinhlamunselu ta le hansi
^ Kumbe: “a li fikeleleki.”
^ Kumbe: “gayela”.
^ Kumbe: “matimba”.
^ Kumbe: “yenelisa”.
