Tipisalema 147:1-20
147 Dzunisani Yehovha!*
I swinene ku yimbelela hi dzunisa Xikwembu xa hina;Swa tsakisa funtshi swa fanela swaku hi xi dzunisa!+
2 Yehovha a yaka doropa la Yerusalema;+A hlengeleta Vayisrayele lava nga hangalaka.+
3 A hanyisa lava nga tshoveka timbilu;A bandicha swilondza swa vona.
4 A kontela tinyeleti;Hinkwatu a ti tiva hi mavito.+
5 Hosi ya hina i yikulu funtshi yi ni matimba yamakulu;+A swi koteki ku tlhamusela ku twisisa ka yona.+
6 Yehovha a pfuxa lava va ku rhula,+Kambe lava va ku biha a va txukumeta hansi.
7 Yimbelelani mi khensa Yehovha;Yimbelelani mi dzunisa Xikwembu xa hina na mi chaya haripa,
8 Lweyi a mbhonyaka matilo hi marhefu,Lweyi a yendlaka swaku mpfula yi na amisaveni,+Lweyi a yendlaka swaku byanyi li mila+ atintshaveni.
9 A nyika swiharhi swakudla,+Ni vana va matlhugwani* lava rilelaka swakudla.+
10 A nga tsakisiwi hi matimba ya kavhalu;+Funtshi a nga hlamalisiwi hi munhu lweyi a kotaka ku tsutsuma hintamu.+
11 Yehovha a tsakisiwa hi lava mu chavaka,+Lava nyimelaka lirhandzu la yena.+
12 Dzunisa Yehovha, wena Yerusalema.
Dzunisa Xikwembu xa wena, wena Siyoni.
13 A tiyisa swa ku khiya swipfalu swa wena;A katekisa vana va wena.
14 A tisa ku rhula ka tiko la wena;+A ku nyika trigu lalinene.+
15 A rhumela rito la yena amisaveni;Rito la yena li tsutsuma hintamu.
16 A mbhonya misava hi gamboko* ku fana ni mavoya ya ku basa;+A hangalasa jelu ku fana ni nkuma.+
17 A wisa marhalala* ya yena ku fana ni matlhantlha ya pawu.+
I mani lweyi a nga tiyiselaka xirhami xa yena?+
18 A rhumela rito la yena se swi deretera.
A fufuta moya wa yena+ kutani mati ma famba.
19 A tivise Yakobe rito la yena,A byele Israyele minawu ya yena ni swiboho swa yena.+
20 A nga swi yendlanga leswo ka matiko man’wani;+A ma tivi nchumu hi minawu ya yena.
Dzunisani Yehovha!*+
Tinhlamunselu ta le hansi
^ Kumbe: “Aleluya!” Leswi vulaka “Dzunisani Yah.” Yah i magomiselo ya vito leli nge Yehovha.
^ Kumbe: “magqugwani”. I muxaka wa xinyanyani.
^ Kumbe: “neve”. I minchumu ya ku basa yi ku baa ku fana ni jelu.
^ Kumbe: “marhalani”.
^ Kumbe: “Aleluya!” Leswi vulaka “Dzunisani Yah.” Yah i magomiselo ya vito leli nge Yehovha.
