Tipisalema 17:1-15
Xikhongelo xa Davhida.
17 Yehovha Xikwembu xanga, yingisa xikombelo xa mina xa ku lava ku lulama;Twana xirilo xa mina xa ku lava ku pfuniwa;Yingisa xikhongelo xa mina xa ku kala wukanganyisi.+
2 Ni yavanyisi hi ndlela yayinene;+Matihlo ya wena a ma voni swaswinene.
3 U kambele mbilu ya mina, u ni kambelile niwusiku;+U ni basisile;+U ta tsumbula swaku a ni na maplanu* ya ku biha,Ni nomo wa mina a wu djohanga.
4 A ku na mhaka swaku vanhu va yendla yini,A ni nge fambi ka tindlela ta vayivi,* hi ku landza marito ya wena.+
5 Minenge ya mina a yi fambe ka tindlela ta wenaSwaku yi nga tigumuli.+
6 Ni vitana wena, hikusa u ta ni hlamula,+ Xikwembu xanga.
Ni yingiseli kahle. Twana marito ya mina.+
7 Kombisa timpsalu hi ndlela ya ku hlamalisa,+Wena Muponisi wa lava lavaka ku tumbela ka voko la wena la xineneLoko va baleka lava va ku djikelaka.
8 Ni vhikeli ku fana ni tihlo* la wena;+Ni fihle ka ndzhuti wa timpapa ta wena.+
9 Ni vhikeli ka lava ku biha lava ni hlaselaka,Ka valala va mina lava ni rhendzelaka na va lava ku ni dlaya.+
10 Lipfalu la vona li file;Va tibyela hi minomo ya vona;
11 Swoswi se va hi rhendzelile;+Va lava tindlela ta ku hi wisa.
12 Munhu wa ku biha a fana ni nghonyama leyi navelaka ku phatlulela xiharhi,Ni xinghonyamani lexi nga tumbela swaku xi hlasela.
13 Humelela Yehovha, u tlhangana na yena+ u mu hlula;Ni ponisi ka munhu wa ku biha hi xipada xa wena;
14 Yehovha Xikwembu xanga, ni ponisi hi voko la wenaKa vanhu va misava leyi, lava tshomba la vona ku nga wutomi leli ntsena,+Lava u va nyikaka minchumu yayinene+Naswona va siyelaka vana va vona va vanyingi tshomba.
15 Kambe mina, leswi ni hanyaka hi ku lulama ni ta vona nghohe* ya wena;Na tsaka loko ni pfuka na u li kona.*+
Tinhlamunselu ta le hansi
^ Kumbe: “makungu”.
^ Kumbe: “swigevenga”.
^ Kumbe: “ndzololo ya tihlo”.
^ Kumbe: “kara la”.
^ Kumbe: “ni vona leswi u nga tshamisa swona.”
