Tipisalema 27:1-14
Pisalema ya Davhida.
27 Yehovha i livoni la mina+ naswona wa ni ponisa.
Ni ta chava mani?+
Yehovha a vhikela wutomi la mina.+
Ni ta chava mani?
2 Nkama vanhu va ku biha va nga ni hlasela swaku va dla nyama ya mina,+Valala va mina hi vona va nga tigumula va wa.
3 Hambiloko masonchwa mo gwimba matende swaku ma lwa na mina,A ni nge chavi.*+
Hambiloko valala vo lwa na mina,Ni ka nkama wolowo ni ta tama ni tshemba Xikwembu.
4 Ni kombele Yehovha nchumu xin’weKu nga lexi ni nga ta xi nyimela,Leswaku ni tshama ka yindlo ya Yehovha wutomi la mina hinkwalu,+Ni vona wunene la YehovhaNi ku tlangela tempele ya yena.+
5 Hikusa a ta ni tumbeta ka ndhawu ya yena ya ku hlayiseka hi siku la khombo;+A ta ni fihla ka ndhawu leyi nga tumbela ya tende la yena;+A ta ni veka ahenhla ka ribye.+
6 Swoswi ni hlula valala va mina lava va ni rhendzelaka;Ni ta yendla magandzelo ka tende la wena na ni ba minkulungwani;Ni ta yimbelela ni dzunisa Yehovha.
7 Yehovha Xikwembu xa mina, ni yingisi loko ni huwelela;+Ni kombe timpsalu, u ni hlamula.+
8 Nkama mbilu ya mina a yi vulavula hi wena yi te:
“Lavani nghohe* ya mina.”
Ni ta lava nghohe ya wena, Yehovha Xikwembu xa mina.+
9 U nga ni tumbeteli nghohe ya wena.+
U nga ni tlhelisi hi mhaka ya ku kwata ka wena.
Phela hi wena u ni pfunaka;+U nga ni khohlwi kumbe u ni tshika, wena Xikwembu xa mina lexi ni ponisaka.
10 Hambiloko papayi na mamani vo ni tshika,+Yehovha a ta ni teka.+
11 Ni djondzisi ndlela ya wena, Yehovha Xikwembu xa mina,+Ni fambisi ka ndlela ya ku lulama hi mhaka ya valala va mina.
12 U nga ni nyikeli ka valala va mina,+Hikusa vafakazi va mavunhwa va lwa na mina,+Naswona va ni chavisela hi swa ku biha.
13 A ni ta va na ni li kwini loko a ni nga na lipfumeloLa leswaku ni ta vona wunene la Yehovha na na ha hanya?*+
14 Tshemba Yehovha;+Tiya nhlana, u nga chavi nchumu.+
Ina, tshemba Yehovha.
Tinhlamunselu ta le hansi
^ Hi Xiheberu: “Mbilu ya mina a yi nge chavi.”
^ Kumbe: “kara la”.
^ Kumbexana: “Ni ni lipfumelo la leswaku ni ta vona wunene la Yehovha na na ha hanya.”
