Tipisalema 38:1-22
Pisalema ya Davhida leyi nga xikhumbukiso.
38 Yehovha Xikwembu xa mina, u nga ni layi na u kwatile,Hambi ku ni lulamisa na u kwatile.+
2 Hikusa mimpaxwa* ya wena yi ni tlhave yi za yi ya fika ndzenindzeni ka mina,Ni voko la wena la ni peza.+
3 Na vabya hikusa u ni kwatelile.
Marhambu ya mina a ma rhulanga hi mhaka ya xidjoho xa mina.+
4 Hikusa minandzu ya mina i yinyingi hintamu;+Yi ni tika ku fana ni xidjumba xa ku tika lexi ni tsandzekaka ku xi rhwala.
5 Swilondza swa mina swa nun’hwa naswona swi ni wubofuHi mhaka ya wuphunta la mina.
6 Ni karhatekile naswona ni hele ntamu;Ni fambafamba siku hinkwalu na ni rila.
7 Na psha ndzeni ka mina;Muzimbha wa mina hinkwawu wu ni switlhavi.+
8 Ni hele ntamu naswona a na ha koti nchumu;Na konya, funtshi mbilu ya mina yi karhatekile swinene.
9 Yehovha Xikwembu xa mina, wa swi tiva hinkwaswu leswi ni swi navelaka,Naswona wa ni twa loko ni konya.
10 Mbilu ya mina yi bela henhla, ni hele ntamu,A na ha voni kahle.+
11 Vanghanu va mina a va ha na mhaka na mina hi mhaka ya mavabyi ya mina,Lava ni tivaka va fambela kule na mina.
12 Lava lavaka ku ni dlaya va ni rhiyile;Lava lavaka ku ni vavisa va vulavula ku biha hi mina;+Va tshamela ku yendla maplanu* ya ku biha siku hinkwalu.
13 Kambe a ni nga ta va yingisa ku fana ni munhu wa ku fa tindleve;+A ni nga ta wu pfula nomo wa mina ku fana ni mbeveve.+
14 Ni fana ni munhu lweyi a nga fa tindleve,Lweyi a kalaka a nga swi koti ku tivulavulela.
15 Hikusa ni rindzele wena Yehovha,+U ni hlamulile Yehovha Xikwembu xa mina.+
16 Hikusa ni te: “Va nga tibumi hi minaKumbe va tsaka loko nenge wa mina wu rhetemuka.”
17 Hikusa a ni li kusuhi ni ku wa,Naswona a ni tshamela ku twa ku vava.+
18 Ni vule nandzu wa mina;+Xidjoho xa mina a xi ni karhata.+
19 Kambe valala va mina va ni matimba,*I vanyingi lava ni nyenyaka na ku nga na xivangelo.
20 Loko ni va yendlela swaswinene va ni tlhelisele hi swa ku biha;A va ni pfalela ku yendla swaswinene.
21 Yehovha, u nga ni tshiki.
U nga tshami kule na mina wena Xikwembu xa mina.+
22 Kahlula u ta ni pfuna,Yehovha muponisi wa mina.+
Tinhlamunselu ta le hansi
^ Kumbe: “maflexa”.
^ Kumbe: “makungu”.
^ Kumbexana: “Ni ni valala va vanyingi na ku nga na xivangelo”.
