Tipisalema 39:1-13
Ka mayextru wa Yedutani.*+ Pisalema ya Davhida.
39 Ni te: “Ni ta tivonelaSwaku ni nga djohi hi lirimi la mina.+
Ni ta pfala* nomo wa mina+Loko lweyi wa ku biha a ha li kusuhi na mina.”
2 Ni miyelile ni ku ntsee;+Ni miyelile hambiloko ku ni swaswinene,Kambe switlhavi swa mina swi yengeselekile.
3 Mbilu ya mina a yi hisa ndzeni ka mina.
A ni twa ku hisa hintamu nkama ni gayelaka.
Se ni sungula ku vulavula ni ku:
4 “Yehovha Xikwembu xa mina, ni pfuni ni tiva swaku ni ta gamisa ku yini,Ni tiva ni masiku ya mina,+Swaku ni ta tiva ku leha ka wutomi la mina.
5 Phela u ni nyike masiku yamatsongo;+Masiku ya wutomi la mina a hi ya nchumu ka wena.+
Phela munhu mun’wani ni mun’wani, Hambiloko o tikomba na a hlayisekile, a hi wa nchumu, o fana ni moya.+ (Sela)
6 Phela munhu a fambafamba ku fana ni ndzhuti.
A tsutsumatsutsuma mahala a ya hala ni hala.
A hlengeleta tshomba, na a nga swi tivi swaku li ta dliwa hi mani.+
7 Yehovha, se ni nga nyimela yini ke?
Hi wena ntsena ntshembo wa mina.
8 Ni rivaleli swidjoho swa mina hinkwaswu.+
U nga tshiki xiphunta xi ni hleka.
9 Ni miyelile;A ni swi kotanga ku pfula nomo,+Hikusa hi wena u nga yendla leswi.+
10 Susa khombo la wena ka mina.
Ni helile hi mhaka ya ku biwa hi voko la wena.
11 U laya lweyi a nga yendla xihoxo hi ku mu khatisa;+U helisa swilo leswi a swi rhandzaka ingi hiloko swi yo dliwa hi swipungwani.
Phela munhu mun’wani ni mun’wani o fana ni moya ntsena.+ (Sela)
12 Yehovha Xikwembu xa mina, yingisa xikhongelo xa mina,Ni yingisi loko ni kombela ku pfuniwa.+
U nga miyeli loko ni rila.
Hikusa ni fana ni munhu wa tiko lin’wani ka wena,+Ni fana ni munhu lweyi a hundzaka hi ndlela, ku fana ni leswi vavhovho va mina hinkwavu a va tshamise swona.+
13 U nga ni txuvuki na u kwatile swaku ni ta tsakaNa ni nga se fa ni gama ni nga ha vi kona.”
