Tipisalema 42:1-11
Ka mayextru. Maxkili* ya vana va Kora.+
42 Ku fana ni mhunti leyi navelaka mati ya minambu,Na mina na ku navela wena Xikwembu.
2 Ni ni torha la Xikwembu, Xikwembu lexi hanyaka.+
Kasi ni ta ya siku muni phambheni ka Xikwembu?+
3 Mihloti ya mina i swakudla swa mina wusiku ni nhlikanhi;Siku hinkwalu vanhu va ni poyilela va ku: “Kasi xi kwini Xikwembu xa wena?”+
4 Swilo leswi na swi khumbuka naswona mbilu ya mina ya vavaHikusa ni tshame ni famba ni xitshungu;A ni tolovela ku famba hi kutsongokutsongo phambheni ka xona ni ya ka yindlo ya Xikwembu,Na hi yimbelela tinsimu ta ku khensa,Ta xitshungu lexi tlangelaka fexta.+
5 Hi mhaka muni ni xukuvalile?+
Hi mhaka muni ni dungeke nhloko?
Ni ta rindzela Xikwembu,+Hikusa na ha ta xi dzunisa hileswi xi nga Muponisi wa mina Wamukulu.+
6 Xikwembu xa mina, ni xukuvalile.+
Hi leswo swi yendlaka ni ku khumbuka,+Na ni li ka tiko la Yordani ni le henhla ka tintshava ta Hermoni,Na ni li ka Ntshava ya Mizara.
7 Mati ya ku yenta ma vitana mati ya ku yentaHi guwa la mati ya wena ya le riweni.*
Magandlati ya wena hinkwawu ma ni mbhonyile.+
8 Ninhlikanhi Yehovha a ta ni komba swaku wa ni rhandza,Niwusiku lisimu la yena li ta va na mina, xikhongelo lexi yaka ka Xikwembu xa wutomi la mina.+
9 Ni ta byela Xikwembu, ribye la mina, ni ku:
“Hi mhaka muni u ni khohlwile?+
Hi mhaka muni ni fanele ni fambafamba na ni xukuvalile hi mhaka ya ku karhatiwa hi nala wa mina ke?”+
10 Valala va mina va ni rhuketela hi ndlela ya mona;*Siku hinkwalu va ni poyilela va ku: “Kasi xi kwini Xikwembu xa wena?”+
11 Hi mhaka muni ni xukuvalile?
Hi mhaka muni ni dungeke nhloko?
Ni ta rindzela Xikwembu,+Hikusa na ha ta xi dzunisa hileswi xi nga Muponisi wa mina Wamukulu ni Xikwembu xa mina.+
Tinhlamunselu ta le hansi
^ Vona Ntlhamuselo.
^ Kumbe: “cascatas.”
^ Kumbexana: “ingi hi loko va ni tshovelela marhambu.”
