Tipisalema 49:1-20
Ka mayextru. Pisalema ya vana va Kora.+
49 Yingisani n’wina vanhu hinkwenu.
Yingisani kahle, n’wina hinkwenu lava tshamaka misaveni,
2 N’wina vanhu va swiyimu swa ku hambanahambana,Va ku ganya ni swisiwana.
3 Nomo wa mina wu ta vulavula swilo swa wutlharhi,Ni leswi ni nga ta pimisa* hi swona+ swi ta kombisa ku twisisa.
4 Ni ta xi yingisela kahle xivuriso;Ni ta tlhamusela xihlayahlaya xa mina na ni chaya haripa.
5 Hi mhaka muni ni fanele ni chava hi nkama wa mahlomulu,+Loko ni rhendzeliwe hi wubihi la lava lavaka ku ni diba?
6 Lava tshembaka tshomba la vona+Ni lava tibyelaka hileswi va nga ganya hintamu,+
7 A nga kona ka vona lweyi a nga ponisaka makwavuKumbe ku nyika Xikwembu nkutsulu wa ku ponisa makwavu,+
8 (Nkutsulu wa wutomi la vona wu durha ngopfuLakakuva a va nge zi va swi kotile ku wu hakela);
9 Leswaku a hanya hi masiku ni masiku a nga li voni sirha.+
10 Munhu wa swi vona swaku hambi lava ku tlhariha va fa;A xiphunta ni lweyi a kalaka a nga pimisi kahle na vona va fa,+Ni leswaku va boheka ku siyela van’wani tshomba la vona.+
11 Va navela swaku tiyindlo ta vona ti tshama hi masiku,Matende ya vona na wona ma tshama hi masiku.
Ni tindhawu ta vona va ti chule mavito ya vona.
12 Kambe hambiloko munhu a hloniphiwa, a nge hanyi a nga fi;+A nga swi tluli swiharhi leswi faka.+
13 Leyi i ndlela ya swiphunta+Ni ya lava swi landzelaka, lava tsakisiwaka hi marito ya swona ya ku kala ma nga pfuni nchumu. (Sela)
14 Va ta ya Sirheni* ku fana ni tinyempfu.
Lifu li ta va risa;Lava ku lulama va ta va fuma+ nimixo.
Va ta nyamalala;+Kaya ka vona ku ta va Sirha*+ ku nga ha vi yindlo ya wuhosi.+
15 Kambe Xikwembu xi ta ni ponisa ka matimba ya Sirha,*+Hikusa xi ta ni koka xi ni humesa. (Sela)
16 U nga chavisiwi hi munhu loko a ganya,Loko tshomba la kaya ka yena li ya li tala,
17 Hikusa loko a fa wa swi siya;+A nge fambi ni tshomba la yena asirheni.+
18 Loko wa ha hanya wa tibuma.+
(Vanhu va ku dzunisa loko swi ku fambela kahle.)+
19 Kambe hi wugamu a lahliwa ni vavhovho va yena.
A va nge he tshuki va vone ku vonakala.
20 Munhu lweyi a kalaka a nga swi twisisi leswi, hambiloko a hloniphiwa,+A nga swi tluli swiharhi leswi faka.
Tinhlamunselu ta le hansi
^ Kumbe: “Leswi mbilu ya mina yi nga ta gayela hi swona”.
^ Kumbe: “Sheol”. Vona Ntlhamuselo.
^ Kumbe: “Sheol”. Vona Ntlhamuselo.
^ Kumbe: “Sheol”. Vona Ntlhamuselo.
