Tipisalema 52:1-9
Ka mayextru. Maxkili* ya Davhida, nkama Dowegi wa Muedomu a nga ta a ta byela Sawulo swaku Davhida a ye kaya ka Ahimeleki.+
52 Hi mhaka muni u tikhuza hi mintirho ya wena ya ku biha, wena lweyi a nga ni matimba?+
Lirhandzu la Xikwembu li tshama na li li kona.+
2 Lirimi la wena, li lotiwe ku fana ni xisingwani,*+Li yendla maplanu* ya ku biha naswona la kanganyisa.+
3 Wena u rhandza swa ku biha ku tlula swaswinene,Mavunhwa ku tlula ku khuluma ntiyiso. (Sela)
4 U rhandza marito lama wonhaka,Wena lirimi la ku kanganyisa.
5 Hi mhaka leyo Xikwembu xi ta ku wisa swa wugamu;+Xi ta ku wutla xi ya ku txukumeta kule ni tende la wena;+Xi ta ku tsuvula ka tiko la lava hanyaka.+ (Sela)
6 Lava ku lulama va ta swi vona va gama va hlamala,+Naswona va ta mu hleka.+
7 “Hi lweyi munhu lweyi a kalaka a nga swi lavi ku tumbela ka Xikwembu,+Kambe a tshemba tshomba la yena la linyingi,+Naswona a tshemba maplanu ya yena ya ku biha.”
8 Kambe mina ni ta fana ni nsinya wawukulu wa wolivhera lowu nga ka yindlo ya Xikwembu;Ni tshemba lirhandzu la Xikwembu+ hi masiku ni masiku.
9 Ni ta ku dzunisa hi masiku ni masiku hi mhaka ya leswi u nga swi yendla;+Xikarhi ka vanhu va wena va ku tshembeka,Ni ta tshemba vito la wena+ hikusa i linene.
