Tipisalema 55:1-23
Ka mayextru; lisimu leli chayiwaka ni switende.* Maxkili* ya Davhida.
55 Yingisa xikhongelo xa mina, Xikwembu xa mina,+U nga ni tshiki loko ni kombela ku kombiwa timpsalu.*+
2 Ni yingise, u ni hlamula.+
Swikarhatu swa mina swi ni tsona wurhongo,+Ni karhatekile
3 Hi mhaka ya leswi nala a swi vulakaNi ku karhatiwa hi lweyi wa ku biha.
Hikusa va ni vangela swikarhatu swa swinyingi,Va ni nyenyisa ximona.+
4 Mbilu ya mina ya vava,+Ni chava lifu.+
5 Ni teliwa hi ku chava ni ku rhurhumela,Ni tshamela ku rhurhumela.
6 Ni tshamela ku vula ni ku: “Loko a ni ni timpapa ku fana ni tuva!
A ni ta haha ni ya tshama ka ndhawu ya ku hlayiseka.
7 A ni ta baleka ni ya kule.+
A ni ta tshama mananga.+ (Sela)
8 A ni ta hantla ni ya ka ndhawu ya ku tumbela ka yonaKule ni moya wa matimba ni le kule ni xidzedze.”
9 Yehovha Xikwembu xa mina, va dungi tinhloko u wonha maplanu ya vona,+Hikusa ni vone mpfilumpfilu ni vanhu na va lwisana adoropeni.
10 Wusiku ni nhlikanhi swi fambafamba henhla ka makhumbi ya lona;Ndzeni ka doropa ku ni mahlomulu ni ku karhateka.+
11 Xikarhi ka lona ku ni khombo;Ku xanisiwa ni wukanganyisi a swi suki lani vanhu va doropa va tlhanganaka kona.+
12 Hikusa a hi nala lweyi a ni poyilaka;+Loko a a li yena a ni ta swi tiyiselela.
A hi nala lweyi a ni djikelaka;Loko a a li yena a ni ta mu tumbelela.
13 Kambe hi wena, munhu wa ku fana na mina,+Munghanu wa mina lweyi ni mu tivaka kahle.+
14 A hi hamba hi tikhorisa hi wunghanu la hina;A hi longoloka ni xitshungu hi ya ka yindlo ya Xikwembu.
15 Ni navela swaku va helisiwa!+
Va nghena Sirheni* na va ha hanya;Hikusa wubihi li tshama xikarhi ka vona, li le ndzeni ka vona.
16 Kambe mina ni ta huwelela ka Xikwembu,Naswona Yehovha a ta ni ponisa.+
17 Nimadlambu, nimixo ni nhlikanhi, na karhateka ni ku konya,+Se yena a yingisa rito la mina.+
18 A ta ni ponisa a ni humuta ka lava lwaka na mina,Hikusa i vanyingi lava taka va ta lwa na mina.+
19 Xikwembu xi ta swi twa xi va hlamula,+Lweyi a nga tshama ka xitshamu xa wuhosi ku sukela khale.+ (Sela)
Va ta yala ku txintxa,Lava kalaka va nga xi chavanga Xikwembu.+
20 A* hlasele lava a va nga lwi na yena;+A tlule ntwananu wa yena.+
21 Marito ya yena ma rhetemuka ku tlula mantega,+Kambe mbilwini ya yena ku tale ku holova.
Marito ya yena ma wolova ku tlula ni mafurha,Kambe i swipada leswi nga lotiwa.+
22 Hoxa ndzhwalu wa wena ka Yehovha,+A ta ku seketela.+
A nge tshuki a pfumelela swaku wa ku lulama a wa.*+
23 Kambe wena Xikwembu xa mina, u ta va wisa ka xikhele xa ku yenta swinene.+
Vadlayi ni lava kanganyisaka, a va nge hanyi ni hafu ya wutomi la vona.+
Kambe mina, ni ta tshemba wena.
Tinhlamunselu ta le hansi
^ I nchumu xa ku chaya muzika.
^ Vona Ntlhamuselo.
^ Kumbe: “U nga titumbeti loko ni khongela ni kombela ku pfuniwa.”
^ Kumbe: “Sheol”. Vona Ntlhamuselo.
^ Ku nga khale ka munghanu lweyi ku nga vulavuliwa hi yena ka ndzimana 13 ni 14.
^ Kumbe: “dedereka.”
