Tipisalema 57:1-11
Ka mayextru; hi mayimbelelelo ya lisimu leli nge: “U Nga Helisi.” Mikitami* ya Davhida. Nkama a nga baleka Sawulo a ya tumbela ka mhakwa.*+
57 Ni twele wusiwana, Xikwembu xa mina, ni twele wusiwana,Hikusa ni tumbela ka wena,+Ni tumbela ka ndzhuti wa timpapa ta wena anze mahlomulu ma hundza.+
2 Ni vitana Xikwembu Xa Mina Lexi Nga Tlakuka,Xikwembu xa ntiyiso ni lexi helisaka mahlomulu ya mina.
3 Xi ta ni pfuna na xi li tilweni xi ni ponisa.+
Xi ta wonha maplanu* ya lweyi a ni hlaselaka. (Sela)
Xikwembu xi ta kombisa lirhandzu ni ku tshembeka ka xona.+
4 Ni rhendzeliwe hi tinghonyama;+Ni yetlela xikarhi ka vanhu lava lavaka ku ni minta,Lava matinyu ya vona ma fanaka ni matlharhi ni mimpaxwa*Ni lava lirimi la vona li fanaka ni xipada xa ku lotiwa.+
5 Kombisa wuhosi la wena atilweni, Xikwembu xa mina;Ku dzuneka ka wena a ku ve henhla ka misava hinkwayu.+
6 Va lava ku ni phasa minenge hi redi;+Ni hele ntamu hi mhaka ya mahlomulu.+
Va txele xikhele phambheni ka mina,Kambe va tlhele va wela ka xona.+ (Sela)
7 Mbilu ya mina yi nyime yi tiya, Xikwembu xa mina,+Mbilu ya mina yi nyime yi tiya.
Ni ta hamba lisimu ni tlhela ni yimbelela.
8 Khindlimuka, wena mbilu* ya mina.
Khindlimuka, wena xitende;* na wena haripa.
Ni ta pfuka nimpundzu.+
9 Ni ta ku dzunisa xikarhi ka vanhu, Yehovha Xikwembu xa mina;+Ni ta ku yimbelelela tinsimu xikarhi ka vamatiko.+
10 Lirhandzu la wena i likulu li fika ni le tilweni,+Ni ku tshembeka ka wena ku fika ni le ka marhefu.
11 Kombisa wuhosi la wena atilweni, Xikwembu xa mina;Ku dzuneka ka wena a ku ve henhla ka misava hinkwayu.+
Tinhlamunselu ta le hansi
^ Vona Ntlhamuselo.
^ Ku nga mbhovo lowu kumekaka ka ntshava kumbe ka ribye.
^ Kumbe: “makungu”.
^ Kumbe: “maflexa”.
^ Hi Xiheberu: “ku dzuneka ka mina”.
^ I nchumu xa ku chaya muzika.
