Tipisalema 59:1-17
Ka mayextru; hi mayimbelelelo ya lisimu leli nge: “U Nga Helisi.” Mikitami* ya Davhida. Nkama Sawulo a nga rhumela vavanuna swaku va ya rindza yindlo ya Davhida swaku va ta mu dlaya.+
59 Ni ponise ka valala va mina, Xikwembu xa mina;+Ni vhikele ka lava va ni hlaselaka.+
2 Ni ponise ka lava yendlaka swa ku biha,Ni ponise ka vadlayi.
3 Phela va ni tumbelela;+Ni hlaseliwa hi vavanuna va matimbaKambe a hi mhaka ya leswi ni nga tereka kumbe ni nga djoha,+ wena Yehovha.
4 Hambileswi ni kalaka ni nga djohanga, va tsutsuma va lunghekela ku hlasela.
Loko ni ku vitana, tani u ta swi vona.
5 Hikusa Yehovha Xikwembu murhangeli wa tintsumi, u Xikwembu xa Israyele.+
Pfuka u kambela matiko hinkwawu.
U nga va tweli wusiwana vaxengi lava nga ni mona.+ (Sela)
6 Va vuya nkama ni nkama nimadlambu;+Va vukula* ku fana ni timbyana,+ va rhendzelekela ka doropa.+
7 Vona leswi swi humaka ka minomo ya vona;Minomo ya vona yi fana ni swipada,+Hikusa va li: “I mani lweyi a yingiselaka?”+
8 Kambe wena Yehovha u ta va hleka;+U ta hleka matiko hinkwawu.+
9 Wena Ntamu wa mina, ni ta tshama ni ku rindzile;+Hikusa Xikwembu i ndhawu ya mina ya ku tumbela ka yona ya ku hlayiseka.+
10 Xikwembu lexi xi ni rhandzaka xi ta ni pfuna;+Xikwembu xi ta yendla swaku ni vona valala va mina loko va hluliwa.+
11 U nga va dlayi, swaku vanhu va mina va nga khohlwi.
Va yendle va pepetseka hi matimba ya wena;Yendla swaku va wa, Yehovha xivhikelo xa hina.+
12 A va phasiwe hi ku tibyela ka vona,Hi mhaka ya xidjoho xa nomo wa vona ni rito la minomo ya vona,+Hi mhaka ya nhlambha ni mavunhwa ya vona.
13 Va helisi hi ku kwata ka wena;+Va helisi swaku va nga ha vi kona;Va yendli va swi tiva swaku Xikwembu xi fuma Yakobe ni misava hinkwayu.+ (Sela)
14 A va vuye nimadlambu;A va vukule ku fana ni timbyana, va rhendzelekela ka doropa.+
15 A va pepetseka va lava swakudla;+Va nga xurhi kumbe va kuma ndhawu ya ku tshama ka yona.
16 Kambe mina, ni ta yimbelela hi ta matimba ya wena;+Nimixo ni ta vulavula na ni tsakile hi lirhandzu la wena.
Hikusa u ndhawu ya mina ya ku tumbela ka yona leyi nga hlayiseka+Ni ndhawu leyi ni balekelaka ka yona hi nkama wa mahlomulu.+
17 Wena Ntamu wa mina, ni ta ku yimbelelela ni ku dzunisa,+Hikusa Xikwembu i ndhawu ya mina ya ku tumbela ka yona leyi nga hlayiseka, Xikwembu lexi ni rhandzaka.+
