Tipisalema 6:1-10
Ka mayextru; lisimu leli chayeliwaka hansi* hi ku tirhisa switende.* Pisalema ya Davhida.
6 Yehovha Xikwembu xa mina, u nga ni layi na u kwatile,U nga ni lulamisi na u kwatile.+
2 Ni kombi timpsalu Yehovha, hikusa ni hele ntamu.
Ni hanyisi Yehovha,+ hikusa marhambu ya mina ma rhurhumela.
3 Ni karhatekile hintamu,+Se na ku vutisa wena Yehovha, kasi ni ta hlupheka anze siku muni ke?+
4 Vuya Yehovha Xikwembu xanga, u ta ni ponisa;+Ni ponisi hikusa wa ni rhandza.+
5 Hikusa lava nga fa a va vulavuli hi wena;*I mani lweyi a nga ku dzunisaka na a li Sirheni?*+
6 Ni konye anze ni hela ntamu;+Ni tsakamise mubedu wa mina hi mihloti wusiku hinkwalu;Xitufada xa mina xi tsakamile hi mhaka ya ku rila.+
7 Matihlo ya mina ma hele ntamu hi mhaka ya ku xukuvala;+A ma ha voni kahle hi mhaka ya hinkwavu lava ni hluphaka.
8 Sukani la ka mina n’wina hinkwenu lava hanyaka hi swa ku biha,Hikusa Yehovha a ta twa ku rila ka mina.+
9 Nkama ni nga ta kombela ku tweliwa wusiwana Yehovha a ta ni twa;+Yehovha a ta yingisa xikhongelo xa mina.
10 Valala va mina hinkwavu va ta dana hintamu va tlhela va chava;Va ta tlhelela ndzhaku hi ku kahlula na va dana.+
Tinhlamunselu ta le hansi
^ Hi Xiheberu: “Xeminiti”. Vona Ntlhamuselo.
^ I nchumu xa ku chaya muzika.
^ Kumbe: “a va ku khumbuki.”
^ Kumbe: “aSheol.” Vona Ntlhamuselo.
