Tipisalema 60:1-12
Ka mayextru; hi mayimbelelelo ya lisimu leli nge: “Khon’wa* La Xitsundzuxu.” Mikitami* ya Davhida. Ya ku djondzisa. Nkama lowu a a lwa na Aramu-Narayimi na Aramu-Zoba, se Yowabu a tlhela a ya dlaya 12.000 wa Vaedomu, ka Nkova wa Munyu.+
60 Xikwembu xa mina, u hi tshikile; u hi hangalasile.+
A wu hi kwatelile; kambe swoswi hi yamukele.
2 U tsekatsekise misava; u yi pandze yi pfuleka.
Yi lunghise, hikusa ya wa.
3 U yendle swaku vanhu va wena va xaniseka.
U hi nwise vhinyu leyi yi hi yendlaka hi dederekela.+
4 Va nyike* xikombiso lava ku chavakaSwaku va baleka mimpaxwa.* (Sela)
5 Leswaku lava u va rhandzaka va ta ponisiwa,Hi ponise hi voko la wena la xinene u hi hlamula.+
6 Xikwembu lexi kwetsimaka* xi vulavulile xi ku:
“Ni ta tsaka, ni ta nyikela Xikemi swaku a va tshomba,+Ni ta pima Nkova wa Sukoti.+
7 Tiko la Jiliyadi i la mina ku fana na Manasi,+Kasi Efrayimi i xivhikelo xa nhloko* ya mina;Yuda i nhonga ya murhangeli wa mina.+
8 Mowabu i baziya leli ni hlambelaka ka lona.+
Ni ta hoxa sandaliya la mina henhla ka Edomu.+
Naswona ni ta ba nkulungwani hileswi ni nga hlula Vafilista.”+
9 I mani lweyi a nga ta ni yisa ka doropa leli nga rhendzeliwa?*
I mani lweyi a nga ta ni yisa aEdomu?+
10 Kasi a hi wena Xikwembu u nga hi tshika,Xikwembu xa hina, lexi nga tshika ku seketela masonchwa ya hina?+
11 Hi pfuni ka mahlomulu ya hina,Hikusa ku ponisiwa hi vanhu a swi pfuni nchumu.+
12 Xikwembu xi ta hi nyika matimba,+Naswona xi ta kandzihela valala va hina.+
Tinhlamunselu ta le hansi
^ I muxaka wa swiluva.
^ Vona Ntlhamuselo.
^ Kumbexana: “U nyike”.
^ Kumbe: “maflexa.”
^ Kumbexana: “lexi nga ka ndhawu ya xona ya ku kwetsima”.
^ Hi Xiheberu: “ndhawu ya ku tumbela ka yona”.
^ Kumbexana: “biyeliwa.”
