Tipisalema 72:1-20
Pisalema leyi vulavulaka hi Solomoni.
72 Xikwembu xa mina, djondzisa hosi minawu ya wena,Djondzisa ni n’wana wa hosi ku lulama ka wena.+
2 A yi lwele vanhu va wena hi ku lulama,Ni swisiwana swa wena hi wululami.+
3 Tintshava a ti tisele vanhu ku rhula,Ni maganga a ma tise ku lulama.
4 A yi lwele* swisiwana,A yi ponise vana va swisiwana,A yi pfotlose lava xololanaka.+
5 Loko dlambu la ha li kona va ta ku chava,Ni loko n’weti wa ha li kona,Hi masiku ni masiku.+
6 Yi ta fana ni mpfula leyi nelaka byanyi leli nga tsemiwa,Ku fana ni swimpfulana leswi regaraka misava.+
7 Lweyi wa ku lulama a ta hluka hi nkama wa ku fuma ka yona,+Ku ta va ni ku rhula kakukulu+ anze n’weti wu nga ha li kona.
8 Yi ta fuma ku sukela ka lwandle lin’wani ku ya ka lin’waniNi ku sukela ka Nambu* ku ya fika magamu ka misava.+
9 Lava tshamaka mananga va ta yi khizamela,Yi ta hlula valala va yona.*+
10 Tihosi ta Tarxixi ni ta le swihlaleni* ti ta hakela rhesa.*+
Tihosi ta le Xeba ni ta le Seba ti ta tisa tinyiko.+
11 Tihosi hinkwatu ti ta yi khizamela,Ni matiko hinkwawu ma ta yi tirhela.
12 Hikusa yi ta pfuna swisiwana leswi kombelaka ku pfuniwa,Ni lava kalaka va nga na nchumu ni hinkwavu lava kalaka va nga na wa ku va pfuna.
13 Yi ta swi twela wusiwana swisiwana ni lava pfumalaka,Yi ta vhikela wutomi la swisiwana.
14 Yi ta swi ponisa ka ku hluphiwa ni ka ku khomiwa hi voko la nsimbi,Ngati* ya swona yi ta va ya lisima ka yona.
15 Hosi a yi hanye malembe ya manyingi, yi nyikiwa woru la le Xeba.+
A yi khongeleliwe hi masiku,Naswona a yi katekisiwe minkama hinkwayu.
16 Ku ta va ni swakudla swa swinyingi amisaveni;+Swi ta va swinyingi ni le henhla ka tintshava.
Hosi yi ta va ni mihandzu ya yinyingi ku fana ni ya le Lebanoni,+Naswona ka madoropa ku ta va ni vanhu va vanyingi ku fana ni byanyi.+
17 Vito la yona a li tshame hi masiku,+A li tame li va kona ku fana ni dlambu.
Vanhu a va katekisiwe hi mhaka ya yona;+Matiko hinkwawu a ma vule swaku yi tsakile.
18 A ku dzunisiwe Yehovha Xikwembu, Xikwembu xa Israyele,+Ku nga yena ntsena lweyi a yendlaka minchumu ya ku hlamalisa.+
19 A ku dzunisiwe vito la yena hi masiku ni masiku,+Ku phatima ka yena a ku tate misava hinkwayu.+
Amen, Amen.
20 Swikhongelo swa Davhida, n’wana wa Yese,+ swi gama kola.
Tinhlamunselu ta le hansi
^ Hi Xiheberu: “yavanyise”.
^ Ku nga Nambu wa Ewufrata.
^ Hi Xiheberu: “valala va yona va ta nampsa wuthulu.”
^ Kumbe: “impoxtu; tinemba.”
^ Ku nga ma ilhas.
^ Kumbe: “Wutomi la”.
