Tipisalema 77:1-20
Ka mayextru wa Yedutani.* Pisalema ya Azafi.+
77 Ni ta huwelela ka Xikwembu;Ni ta huwelela ka Xikwembu naswona xi ta ni twa.+
2 Ni lavetele Yehovha nkama a ni li ka mahlomulu.+
Ni mu tlakusele mavoko wusiku hinkwalu.
Kambe a ku na nchumu xi ni tiyisaka.
3 Na konya loko ni khumbuka Xikwembu;+Na karhateka naswona a ni na matimba.+ (Sela)
4 U khoma matihlo* ya mina swaku ma tshama na ma pfulekile;Na karhateka funtshi a ni swi koti ni ku vulavula.
5 Ni pimisa hi masiku ya khale,+Malembe ya khale ka khaleni.
6 Ni khumbuka lisimu la mina niwusiku;+Na gayela mbilwini ya mina;+Ni kambisisa kahle.
7 Indjhe Yehovha a ta hi txukumeta swa wugamu?+
A nga ha ta tlhela a hi komba timpsalu?+
8 Indjhe lirhandzu la yena li yo hela swa wugamu?
A li kona lixaka leli nga ta vona ku hetiseka ka xitshembiso xa yena?
9 Indjhe Xikwembu xi yo khohlwa ku kombisa timpsalu,+Kumbe ku kwata ka xona ku yo yendla swaku xi nga ha vi ni timpsalu? (Sela)
10 Indjhe ni ta tshamela ku vula ni ku: “Leswi hi swona swi ni karhataka:*+
Lweyi A Nga Tlakuka a hi tshikile”?
11 Ni ta khumbuka mintirho ya Yehovha;Ni ta khumbuka mintirho ya wena ya ku hlamalisa ya khale swinene.
12 Ni ta pimisa hi mintirho ya wena hinkwayuNi gayela hi leswi u swi yendlaka.+
13 Tindlela ta wena ta kwetsima, Xikwembu xa mina.
Hi xini Xikwembu lexi nga tlakuka ku fana na wena?+
14 U Xikwembu xa ntiyiso, lexi yendlaka minchumu ya ku hlamalisa.+
U yendle swaku vanhu va tiva matimba ya wena.+
15 U ponise vanhu va wena hi matimba* ya wena,+Vana va Yakobe ni va Yosefa. (Sela)
16 Mati ma ku vonile, wena Xikwembu;Mati ma ku vonile ma gama ma dungeka.+
Ni mati ya ku yenta ma dungekile.
17 Marhefu ma chulule mati.
Marhefu lama nga mphumela ma dumile,Naswona ku hatima ka wena ku ye hala ni hala.+
18 Guwa la ku dzindza ka wena+ a li fana ni maroda ya tinyolo* ta nyimpi;Ku hatima ku voningele misava;+Misava* yi rhurhumelile yi tlhela yi tsekatseka.+
19 Ndlela ya wena a yi li xikarhi ka lwandle,+Ndlela ya wena a yi li xikarhi ka mati ya manyingi;Kambe minkondzo ya wena a yi nga voneki.
20 U kongomise vanhu va wena ku fana ni ntlhambi,+Hi ku tirhisa* Moxe na Aroni.+
Tinhlamunselu ta le hansi
^ Vona Ntlhamuselo.
^ Hi Xiheberu: “tinxiyi”.
^ Kumbe: “tlhavaka.”
^ Hi Xiheberu: “voko”.
^ Kumbe: “tin’qolo; makalichi”.
^ Kumbe: “Tiko leli nga nona”.
^ Hi Xiheberu: “Hi voko la”.
