Tipisalema 78:1-72
-
Xikwembu xi hlayisa Vayisrayele lava a va nga na lipfumelo
Maxkili* ya Azafi.+
78 N’wina vanhu va mina, yingisani nawu* wa mina;Yingisani marito ya mina.
2 Ni ta pfula nomo wa mina ni vulavula hi swivuriso.
Ni ta vula swihlayahlaya swa khale swinene.+
3 Swilo leswi hi nga swi twa ni ku swi tiva,Leswi vapapayi va hina va nga hi bulela swona,+
4 Hi ta swi byela vana va vona;Hi ta bulela vatukulu+Mintirho yayinene ya Yehovha ni matimba ya yena,+Minchumu ya ku hlamalisa leyi a nga yi yendla.+
5 A nyike Yakobe xitsundzuxuA veke nawu aIsrayele;A rhume vavhovho va hinaSwaku va byela vana va vona swilo leswi,+
6 Leswaku vanhu lava nga ta va kona ka nkama lowu taka,Vana lava nga ta psaliwa va ta swi tiva.+
Se na vona va ta swi bulela vana va vona.+
7 Leswi swi ta yendla swaku va tshemba Xikwembu.
A va nge yi khohlwi mintirho ya Xikwembu+Kambe va ta yingisa minawu ya xona.+
8 Kutani a va nga ta fana ni vavhovho va vona,Lava a va wome tinhloko va tlhela va delela,+Lava a va nga xi tivi lexi va xi lavaka+Lava a va nga tshembeki ka Xikwembu.
9 Vaefrayimi a va tilulamisele ku lwa hi tigubu,Kambe va balekile hi siku la nyimpi.
10 A va wu yingisanga ntwananu wa Xikwembu+Naswona va yale ku famba hi nawu wa xona.+
11 Va tlhele va khohlwa leswi xi nga swi yendla,+Mintirho ya xona ya ku hlamalisa leyi xi nga va komba yona.+
12 Xi yendle minchumu ya ku hlamalisa na swi voniwa hi vavhovho va vona,+Ka tiko la Gibita, ka doropa la Zowani.+
13 Xi yendle swaku lwandle li yavana swaku va kota ku hundza,Naswona xi yendle swaku mati ma nyima ku fana ni khumbi.+
14 Ninhlikanhi a xi va kongomisa hi rhefuKasi niwusiku a xi va voningela hi ndzilu.+
15 Xi pandze maribye amananga,Xi va nwise mati va za va kolwa ingi a mo huma hi ka lwandle la ku yenta.+
16 Xi humese mati ka ribyeXi yendla swaku mati ma tsutsuma ku fana ni minambu.+
17 Kambe va tame va xi djohelaHi ku terekela Lweyi A Nga Tlakuka amananga;+
18 Va tlhontlhe* Xikwembu ka timbilu ta vona+Hi ku lava swakudla leswi a va swi navela.
19 Se va ngurangurela Xikwembu,Va ku: “Indjhe Xikwembu xi nga hi nyika swakudla lani mananga?”+
20 Phela hi xona xi nga ba ribyeSwaku mati ma humetela ma tala.+
“Indjhe xi nga swi kota ku hi nyika ni pawu,Kumbe, xi nyika vanhu va xona nyama?”+
21 Nkama Yehovha a nga twa leswo a kwata hintamu;+Ndzilu+ wu hisa Yakobe,A kwatela Israyele+
22 Hikusa a va vanga ni lipfumelo ka Xikwembu;+A va nga tshembi swaku xi ta va ponisa.
23 Se xi rhuma marhefu,Xi tlhela xi pfula tinyanghwa ta tilo.
24 Xi va nisela mana swaku va dla;Xi va nyika swakudla leswi taka hi tilweni.+
25 Vanhu va dle pawu la lava nga ni matimba;*+Xi va nyike swakudla leswi nga va yeneta kahle.+
26 Xi dunge moya wa le wuxeni amatilweniHi matimba ya xona xi yendle swaku moya wu ba ku sukela sul.*+
27 Xi va nisele nyama ku fana ni wuthulu,Swinyanyani a swi li swinyingi ku fana ni misava ya lwandle.
28 Xi yendle swaku swi na lomu a va tshama kona,Ka matende ya vona* hinkwawu.
29 Va dle swi za swi huma hi tinhompfu;Xi va nyike leswi a va swi navela.+
30 Kambe na va nge se dla va kolwa,Na swakudla swa ha li ka minomo ya vona,
31 Xikwembu xi va kwatelile hintamu.+
Xi dlaya vavanuna va ntamu xikarhi ka vona;+Xi helisa madjaha ya Israyele.
32 Hambiloko se xi yendle minchumu leyi va tame va djoha,+A va vanga ni lipfumelo ka mintirho ya xona ya ku hlamalisa.+
33 Kutani xi helise masiku ya vona ku fana ni ku hefemula,+Ni malembe ya vona ma hantle ma helisiwa hi khombo.
34 Kambe loko xi dlaya van’wani xikarhi ka vona, a va xi lavetela;+A va tlhelela ndzhaku va lavetela Xikwembu,
35 Va khumbuka swaku Xikwembu i Ribye la vona+Ni swaku Xikwembu Lexi Nga Tlakuka i Muponisi wa vona.+
36 Kambe va zame ku xi kanganyisa hi nomo wa vonaNi ku xi hembela hi lirimi la vona.
37 Mbilu ya vona a yi nga tinyimiselanga ku xi tirhela;+A va nga tshembekanga ka ntwananu wa xona.+
38 Kambe a xi ni timpsalu;+A xi va rivalela* swidjoho swa vona, xi nga va helisi.+
A xi tikhoma makhambi ya manyingi+Xi nga va kwateli ku tlula mpimu.
39 Hikusa a xi swi khumbuka swaku vo va vanhu ntsena,+Moya lowu baka wu hundza wu nga ha vuyi.
40 Va xi djohele makhambi ya manyingi amananga,+Naswona a va xi twisa ku vava amananga!+
41 Va ringe Xikwembu hi ku phindhaphindha,+Va mu twise ku vava Mukwetsimi wa Israyele.
42 A va ma khumbukanga matimba* ya xona,Siku leli xi nga va ponisa* hi lona ka nala,+
43 Ndlela leyi xi nga yendla swikombiso swa xona aGibita+Ni masingita lawa xi nga ma yendla aZowani,
44 Ni nkama xi nga txintxa mati* ya Nilu ma va ngati+Swaku va nga swi koti ku phuza mati ka minambu ya vona.
45 Xi va rhumele mabawa* ya manyingi swaku ma va lumetela+Ni makhele swaku ma wonhetela.+
46 Leswi nga mila ka tiko la vona xi swi nyikele ka mintete leyi wonhetelaka,Leswi va nga swi byala swi nyikeliwe ka ntungu wa mintete.+
47 Xi dlaye minsinya ya vona ya mawuvha hi marhalala*+Ni minsinya ya vona ya makuwa hi maribye ya marhalala.
48 Xi nise marhalala xi dlaya swifuyu swa vona+Ni ku hatima* swaku xi dlaya swifuyu swa vona.
49 Xi va tisele ku kwata ka xona,Ku kwata ni mahlomulu,Tintsumi ta tinyingi ti tise khombo.
50 Xi kume ndlela ya ku va komba ku kwata ka xona.
A xi va ponisanga ka lifu;Xi va dlaye hi ntungu.
51 Hi wugamu xi dlaye matevula hinkwawu ya le Gibita,+Masungulo ya matimba ya vona ya ku psala ka matende ya Hamu.
52 Se xi humesa vanhu va xona ku fana ni ntlhambi+Xi va kongomisa ku fana ni ntlhambi amananga.
53 Xi va vhikelile nkama a va li ndleleni,Naswona a va nga chavi nchumu;+Lwandle li funengete valala va vona.+
54 Kutani xi va tisa ka ndhawu ya xona ya ku kwetsima,+Ndhawu ya tintshava leyi xi nga yi teka hi voko la xona la xinene.+
55 Xi hlongole matiko lawa a ma tshama kolanu;+Xi va yavela tshomba leli xi nga li pima hi ngoti;+Xi veka tinxaka ta Israyele makaya ka vona.+
56 Kambe a va tshikanga ku tlhontlha* Xikwembu Lexi Nga Tlakuka, va xi djikela;+A va swi yingisanga switsundzuxu swa xona.+
57 Va tlhele va xi tshika naswona a va kanganyisa ku fana ni vavhovho va vona.+
A va nga tshembeki ku fana ni ligubu la ku kala li nga tiyanga.+
58 A va tshamela ku xi kwatisa hi ku gandzela swikwembu swa mavunhwa ka tindhawu ta vona ta ku tlakuka,+Va yendla swaku xi kwata hi mhaka ya swifaniso swa vona swa ku vatliwa.+
59 Xikwembu xi swi twile kutani xi kwata,+Se xi mu tshika swa wugamu Israyele.
60 Hi wugamu xi yi tshikile tabernakela ya le Xilo,+Tende leli a xi tshama ka lona xikarhi ka vanhu.+
61 Xi tshike areka ya xona yi yisiwa awukaraweni;Ku phatima ka xona ku va vokweni la nala.+
62 Xi tshike vanhu va xona va dlayiwa hi xipada,+Xi kwatela tshomba la xona.
63 Madjaha ya xona ma hisiwe hi ndzilu,Tintombhi* ta xona a ti yimbeleleliwanga tinsimu ta muchadu.*
64 Vaprista va xona va dlayiwe hi xipada,+Naswona vasati va vona a va rilanga.+
65 Se Yehovha a pfuka ingi hiloko a a yo yetlela,+Ku fana ni nhenha+ leyi pfukaka ndzhaku ka loko yi nwe vhinyu la linyingi.
66 A hlasela valala va yena;+A va danisa swa wugamu.
67 A tshike vatukulu va Yosefa;A nga li langanga lixaka la Efrayimi.
68 Kambe a lange lixaka la Yuda,+Ntshava ya Siyoni, leyi a yi rhandzaka.+
69 A yake ndhawu ya yena leyi kwetsimaka yi tiya ku fana ni matilo,+Ku fana ni misava leyi a nga yi yendla swaku yi va kona hi masiku ni masiku.+
70 A lange mutirheli wa yena Davhida+A mu susa ka swib’ala swa tinyempfu,+
71 A mu tshikisa ku lusa tinyempfu leti yan’wisaka;A mu yendla murisi wa Yakobe, vanhu va yena,+Na Israyele tshomba la yena.+
72 A va rise hi ku tshembeka,+Naswona a va kongomise hi wutlharhi.+
Tinhlamunselu ta le hansi
^ Vona Ntlhamuselo.
^ Kumbe: “leswi ni mi rhumaka swona”.
^ Hi Xiheberu: “ringe”.
^ Kumbe: “tintsumi.”
^ Kumbe: “adzongeni.”
^ Ku nga ha va Xikwembu kumbe Vayisrayele.
^ Hi Xiheberu: “funengeta”.
^ Hi Xiheberu: “voko”.
^ Hi Xiheberu: “kutsula”.
^ Kumbe: “misele ya mati”.
^ Ku nga muxaka wa tinhongani ta ku lumana.
^ Kumbe: “marhalani”.
^ Kumbexana: “mukhuhlwani”.
^ Kumbe: “ringa”.
^ Ku nga tintombhi ta ku kala ti nge se tshama ti famba masangu.
^ Hi Xiheberu: “Naswona tintombhi ta xona a ti dzunisiwanga.”
