Tipisalema 80:1-19
Ka mayextru; hi mayimbelelelo ya lisimu leli nge: “Makhon’wa.”* Xitsundzuxu. Pisalema ya Azafi.+
80 Yingisa, wena Murisi wa Israyele,Wena lweyi a kongomisaka Yosefa ku fana ni ntlhambi.+
Wena lweyi a nga tshama henhla* ka makerubu,+Phatima.
2 Kombisa matimba ya wena,+Ka Efrayimi, Benjamini na Manasi;Tani u ta hi ponisa.+
3 Hi yamukeli, Xikwembu xa hina;+Hi kombe timpsalu swaku hi ta ponisiwa.+
4 Yehovha murhangeli wa tintsumi, kasi u ta nyenya swikhongelo swa vanhu va wena anze siku muni ke?+
5 U va dlise mihloti ku fana ni pawu,U yendla swaku va nwa mihloti ya yinyingi.
6 U tshika vavhizinyu va hina va lwetana hi tiko la hina;Valala va hina va hi hlekisa leswi va swi lavisaka swona.+
7 Hi yamukeli, Xikwembu xa hina;Hi kombe timpsalu swaku hi ta ponisiwa.+
8 Wena u suse nsinya wa mawuvha+ aGibita.
U hlongole matiko u gama u wu byala.+
9 U wu basisele ndhawu,Se wu mila wu tata tiko.+
10 Tintshava ti funengetiwe hi ndzhuti wa wona,Kasi tigadja ta wona ti funengete mikedari ya Xikwembu.
11 Tigadja ta wona ti kule ti ya fika alwandle,Kasi swihluke swa wona swi fike ka Nambu.*+
12 Hi mhaka muni u dilize muru wa nsimu ya mawuvha,+Swaku hinkwavu lava hundzaka va khaya mihandzu ya wona?+
13 Makhumba ya khwati ma yi wonhetela,Swiharhi swi dla kolanu.+
14 Hi kombela u vuya, wena Xikwembu lexi rhangelaka tintsumi.
Txuvuka na u li matilweni u vona!
Hlayisa nsinya lowu wa mawuvha,+
15 Limintsu leli u nga li byala hi voko la wena la xinene,+Txuvuka n’wana* lweyi u nga mu tiyisa.+
16 Nsinya wu tsemiwile wu hisiwa hi ndzilu.+
Va fa loko u va laya.
17 Voko la wena a li seketele munhu lweyi a nga ka voko la wena la xinene,N’wana wa munhu lweyi u nga mu tiyisa.+
18 Kutani a hi nge ku tshiki.
Hi ponise swaku hi ta vitana vito la wena.
19 Hi yamukeli, Yehovha Xikwembu lexi rhangelaka tintsumi;Hi kombe timpsalu swaku hi ta ponisiwa.+
Tinhlamunselu ta le hansi
^ I muxaka wa swiluva.
^ Kumbexana: “axikarhi”.
^ Ku nga Nambu wa Ewufrata.
^ Kumbe: “ligadja”.
