Tipisalema 92:1-15
Pisalema. Lisimu la siku la Savata.
92 I swinene ku khensa Yehovha+Ni ku yimbelelela vito la wena marito ya ku dzunisa, wena Lweyi A Nga Tlakuka,
2 Ku vulavula hi lirhandzu la wena+ nimixoNi hi ku tshembeka ka wena niwusiku,
3 Na ku chayiwa xitende* xa 10 wa tingoti,Ni muzika wa ku tsakisa wa haripa.+
4 Hikusa Yehovha Xikwembu xa mina, u ni tsakisile hi mhaka ya mintirho ya wena;Ni huwelela hi ku tsaka hi mhaka ya mintirho ya mavoko ya wena.
5 Yehovha+ Xikwembu xa mina, mintirho ya wena i yikulu swinene,
Mimpimiso ya wena yi yente ngopfu!+
6 A ku na munhu wa ku kala a nga pimisi lweyi a nga yi tivaka;Naswona a ku na xiphunta lexi nga twisisaka leswi:+
7 Loko lava ku biha va hluka ku fana ni byanyi*Ni loko hinkwavu lava yendlaka swa ku biha swi va fambela kahle,Swi yendleka leswaku va ta helisiwa swa wugamu.+
8 Kambe wena Yehovha, u tlakukile hi masiku ni masiku.
9 Yehovha Xikwembu xa mina, vona ku hluliwa ka valala va wena,Vona ndlela leyi valala va wena va nga ta helisiwa hi yona;Hinkwavu lava yendlaka swa ku biha va ta hangalasiwa.+
10 Kambe u ta yendla swaku ni va ni matimba ku fana ni homu ya khwati;Ni ta tola mafurha ya kahle ngopfu.+
11 Ni ta swi vona loko valala va mina va hluliwa;+Tindleve ta mina ti ta twa na ku vulavuliwa hi ta ku helisiwa ka vanhu va ku biha lava ni hlaselaka.
12 Kambe lava ku lulama va ta kula ku fana ni nsinya wa ntxindzu*Naswona va ta kula ku fana ni nsinya wa mukedari wa le Lebanoni.+
13 Va fana ni minsinya leyi nga byaliwa ka yindlo ya Yehovha;Va kula ka kintari* wa Xikwembu xa hina.+
14 Va ta tama va psala mihandzu hambi se va gugile;*+Va ta tshama na va li ni matimba,* va hanye kahle,+
15 Va vula swaku Yehovha a lulamile.
I Ribye la mina,+ a nge yendli minchumu ya ku kala yi nga lulamanga.
Tinhlamunselu ta le hansi
^ I nchumu xa ku chaya muzika.
^ Hi Xiheberu: “nhova”.
^ Kumbe: “palmera”.
^ Vona Ntlhamuselo.
^ Kumbe: “va ni misisi ya ku basa.”
^ Hi Xiheberu: “kulukile”.
