Tipisalema 94:1-23
94 Yehovha,+ Xikwembu lexi hakelisaka,Tama u phatima, wena Xikwembu lexi hakelisaka!
2 Sekeleka wena Muyavanyisi wa misava.+
Hakelisa lava titlakusaka.+
3 Yehovha Xikwembu xa mina, kasi lava ku biha va ta tama va tsaka anze siku muni,Anze siku muni ke?+
4 Vo halatela loko va vulavula funtshi va tibyela;Hinkwavu lava yendlaka swa ku biha va tibuma.
5 Yehovha+ Xikwembu xa mina, va xanisa vanhu va wena,Va karhata tshomba la wena.
6 Va dlaya wansati wa ku feliwa hi nuna ni munhu wa tiko lin’wani,Va tlhela va dlaya vana lava nga feliwa hi vapsali.*
7 Va li: “Yehovha a nga swi voni;+Xikwembu xa Yakobe a xi voni nchumu.”+
8 Twisisani leswi, n’wina mi kalaka mi nga pimisi;N’wina swiphunta, kasi mi ta tlhariha siku muni?+
9 Indjhe Lweyi a nga yendla* ndleve a nge twi?
Lweyi a nga yendla tihlo a nge voni?+
10 Lweyi a lulamisaka matiko, indjhe a nge mi layi?+
Hi yena Lweyi a nyikaka vanhu wutivi!+
11 Yehovha wa yi tiva mimpimiso ya vanhu,Leswaku yo va moya ntsena.+
12 Wa tsaka munhu lweyi u mu lulamisaka, wena Yehovha,+Lweyi u mu djondzisaka nawu wa wena,+
13 Leswaku u mu nyika ku rhula ka masiku ya khombo,Anze lweyi wa ku biha a txeleliwa khele.+
14 Hikusa Yehovha a nge va tshiki vanhu va yena,+Kumbe ku tshika tshomba la yena.+
15 Hikusa vayavanyisi va ta tlhela va swi kota ku yavanyisa hi ndlela yayinene,Hinkwavu lava nga ni timbilu tatinene va ta swi seketela.
16 I mani lweyi a nga ta ni lwela ni lava ku biha?
I mani lweyi a nga ta ni lwela ka lava yendlaka swa ku biha?
17 Loko Yehovha a a nga ni pfunanga,A ni ta va se ni file.+
18 Loko ni ku: “Nenge wa mina wa rhetemuka,”
U tame u ni seketela hi lirhandzu, wena Yehovha Xikwembu xa mina.+
19 Loko ni karhateka swinene,U ni tiyisile u tlhela u ni yendla ni tsaka.+
20 Indjhe u nga tirhisana ni tihosi* ta ku bihaKuve ti yendla maplanu ya ku yendla swa ku biha hi ku tirhisa nawu?+
21 Ti hlasela wa ku lulama+ hi ndlela ya monaKasi lweyi a kalaka a nga na nandzu ti mu yavanyisela lifu.*+
22 Kambe Yehovha a ta va ndhawu ya mina ya ku tumbela ka yona leyi nga hlayiseka,Xikwembu xa mina i ribye la mina leli ni tumbelaka ka lona.+
23 A ta va khatisa hi mhaka ya mintirho ya vona ya ku biha.+
A ta va helisa* hi ku tirhisa wubihi la vona.
Yehovha Xikwembu xa hina a ta va helisa.*+
Tinhlamunselu ta le hansi
^ Hi Xiheberu: “vapapayi.”
^ Hi Xiheberu: “byala”.
^ Kumbe: “vayavanyisi”. Hi Xiheberu: “xitshamu xa wuhosi”.
^ Hi Xiheberu: “Naswona ngati ya lweyi a kalaka a nga na nandzu va vula swaku yi ni nandzu (bihile).”
^ Hi Xiheberu: “miyeta”.
^ Hi Xiheberu: “miyeta.”
