Tipisalema 96:1-13
96 Yimbelelelani Yehovha lisimu la nyuwani.+
Misava hinkwayu a yi yimbelelele Yehovha!+
2 Yimbelelelani Yehovha; dzunisani vito la yena.
Vulani mahungu ya ku tsakisa ya ku ponisa ka yena siku ni siku.+
3 Twalisani wukulu la yena xikarhi ka matiko,Mintirho ya yena ya ku hlamalisa ka vanhu hinkwavu.+
4 Yehovha i mukulu funtshi a faneliwa hi ku dzunisiwa.
A ku na xikwembu xa ku hlamalisa ku fana na yena.
5 Swikwembu leswin’wani hinkwaswu swa matiko a hi swa nchumu,+Kambe Yehovha hi yena a nga yendla matilo.+
6 Wa phatima naswona wa hlonipheka;+Ka ndhawu ya yena leyi kwetsimaka ku ni matimba funtshi ku sasekile.+
7 Hloniphani Yehovha n’wina mindjangu ya vanhu,Hloniphani Yehovha hi mhaka ya ku phatima ni matimba ya yena.+
8 Dzunisani Yehovha hi mhaka ya vito la yena la ku phatima;+Tanani ni swa ku mu nyika mi nghena ka kintari* wa yena.
9 Khizamelani* Yehovha na mi yambale mpahla ya n’wina ya ku kwetsima;*Misava hinkwayu a yi rhurhumele phambheni ka yena!
10 Byelani matiko mi ku: “Yehovha i Hosi!+
Misava yi tiyisiwile, a yi nge tsekatsekisiwi.
A ta yavanyisa vanhu hi ndlela ya ku lulama.”+
11 Matilo a ma tsake, ni misava a yi tsake;Lwandle ni hinkwaswu leswi nga ka lona a swi dume;+
12 Nhova ni hinkwaswu leswi nga ka yona a swi tsake.+
Hi nkama wolowo wa wun’we minsinya hinkwayu leyi nga khwatini a yi huwelele hi ku tsaka+
13 Aphambheni ka Yehovha hikusa wa ta,A tela* ku ta yavanyisa misava.
A ta yavanyisa misava hi ku lulama+Ni vanhu hi ndlela yayinene.+
Tinhlamunselu ta le hansi
^ Vona Ntlhamuselo.
^ Kumbe: “Gandzelani”.
^ Kumbexana: “hi mhaka ya ku phatima ka ku kwetsima ka yena.”
^ Kumbe: “A tile”.
