Tipisalema 99:1-9
99 Yehovha i Hosi.+ Vanhu a va rhurhumele.
A tshame henhla* ka makerubu.+ Misava a yi tsekatseke.
2 Yehovha i mukulu aSiyoni,Naswona a tlakukile ku tlula vanhu hinkwavu.+
3 A va dzunise vito la wena lalikulu,+Hikusa la hlonipheka funtshi la kwetsima.
4 I hosi leyi nga ni matimba leyi rhandzaka wululami.+
Wena u veke minawu yayinene.
U tise wululami ni leswinene+ ka Yakobe.
5 Tlakusani Yehovha Xikwembu xa hina,+ mi khizama* ka minenge ya yena;+Wa kwetsima.+
6 Moxe na Aroni a va li vaprista van’wani va yena,+Naswona Samuwele a a li mun’we wa lava vitanaka vito la yena.+
A va vitana Yehovha,Naswona a a va hlamula.+
7 A a vulavula na vona na a li ka rhefu lalikulu.+
A va yingisa switsundzuxu swa yena ni minawu leyi a a va nyika yona.+
8 Wena Yehovha Xikwembu xa hina u va hlamulile.+
A wu li Xikwembu lexi va rivalelaka,+Kambe u va khatisile hi mhaka ya swidjoho swa vona.+
9 Tlakusani Yehovha Xikwembu xa hina+Mi khizama* phambheni ka ntshava ya yena ya ku kwetsima,+Hikusa Yehovha Xikwembu xa hina wa kwetsima.+
