Vaefeza 3:1-21
3 Hi mhaka leyo, mina Pawulo, ni nga xib’ochwa+ xa Kreste Yesu leswaku ku pfuneka n’wina vanhu vamatiko . . .*
2 impela mi swi twile swaku ni nyikiwe ntirho wa ku mi pfuna+ swaku mi pfuneka ka timpsalu tatikulu ta Xikwembu,
3 ni leswaku ni kombiwe xihundla xa ku kwetsima, hilaha ni nga tshama ni mi tsalela hi kona hi ku gomisa.
4 A nkama mi nga ta lerha leswi, mi ta swi vona swaku na xi twisisa xihundla xa ku kwetsima+ xa Kreste.
5 Vanhu va tinguva tin’wani a va kombiwanga xihundla lexi, ku fana ni leswi vapostolo va yena va ku kwetsima ni vaprofeta va nga kombisiwa xiswona swoswi hi moya wa ku kwetsima.+
6 Xihundla xa kona hi lexi: Hi mhaka ya mahungu ya ku tsakisa, vanhu vamatiko va ta dla na hina tshomba va tlhela va va swirho swa muzimbha+ hi ku va vadjondzisiwa va Kreste Yesu.
7 Ni rhumiwe ku mi pfuna ku twisisa xihundla lexi xa ku kwetsima hi ku ya hi nyiko ya mahala ya timpsalu tatikulu ta Xikwembu, leti xi nga ni nyika tona hi ku tirhisa matimba ya xona.+
8 Mina wamutsongo ka vakwetsimi hinkwavu,+ ni nyikiwe timpsalu leti tatikulu+ leswaku ni chumayela mahungu ya ku tsakisa ka matiko hi ta minkateko leyi taka hi ka Kreste leyi swi kalaka swi nga koteki ku yi pima,
9 ni leswaku ni yendla vanhu hinkwavu va vona leswi Xikwembu, lexi nga tumbuluxa swilo hinkwaswu, xi xi hetisisaka xiswona xihundla xa xona xa ku kwetsima.+
10 Leswi a swi yendleliwa leswaku swoswi, wutlharhi la Xikwembu+ leli kombisiwaka hi tindlela ta ku hambanahambana li tivisiwa ka mimfumu ni wuhosi la le tilweni* hi ku tirhisa bandla.+
11 Leswi swi fambisana ni xikongomelo lexi kalaka xi nga heli lexi Xikwembu xi nga tinyimisela ku xi hetisisa hi ku tirhisa Kreste+ Yesu Hosi ya hina,
12 lweyi hi mhaka ya yena hi vulavulaka na hi chunsekile ni Xikwembu hi tlhela hi tshinela ka xona na hi chunsekile+ hi mhaka ya lipfumelo la hina ka yena.
13 Se na mi kombela leswaku mi nga heli ntamu loko ni xanisiwa hi mhaka ya n’wina, hikusa hinkwaswu leswi swi ta pfuna n’wina, se tibumeni hi swona.+
14 Kutani ni khizama hi matsolo ka Papayi,
15 lweyi ndjangu wun’wani ni wun’wani atilweni ni lani misaveni wu nga kona hi mhaka ya yena.
16 Ni khongelela leswaku, leswi Xikwembu xi nga xikulu hintamu, xi tirhisa matimba ya moya wa xona wa ku kwetsima leswaku xi tiyisa timbilu ta n’wina ni mimpimiso+
17 ni leswaku hi lipfumelo la n’wina, Kreste a tshama ka timbilu ta n’wina hi lirhandzu.+ Ni navela leswaku mi nyima mi tiya ku fana ni timintsu ta nsinya+ mi namarhela masungulo ya lipfumelo,+
18 leswaku n’wina ni vakwetsimi hinkwavu mi kota ku twisisa ku yanama ni ku leha ni ku tlakuka ni ku yenta ka ntiyiso
19 ni ku tiva lirhandzu la Kreste+ leli tlulaka wutivi, leswaku mi ta kuma hinkwaswu leswi Xikwembu xi mi nyikaka swona.
20 Xikwembu, hi ku tirhisa matimba ya xona lama tirhaka ka hina,+ xi nga kota ku yendla swa ku tala swinene ku tlula leswi hi swi kombelaka kumbe leswi hi swi pimisaka.+
21 Se vanhu va tinguva hinkwatu a va xi dzunise hi masiku ni masiku, hi mhaka ya bandla ni hi mhaka ya Kreste Yesu. Amen.
Tinhlamunselu ta le hansi
^ Ingaku marito ma tlhavinyeta ka ndzimana 14.
^ Leswi swi kombetela ka tintsumi.
