Ka nhlengeletanu ya hina, aku na munhu lweyi a hakeliwaka swaku a tirha tani hi murhangeli. Kambe hi kutekelela xikombiso xa Vakreste va kusungula, kulangiwa vavanuna lava fanelekaka ‘swaku va risa bandla la Xikwembu’. (Mintirho 20:28) Madoda lama langiwaka, i vavanuna lavanga ni wuxaka leli tiyeke na Yehovha. Nakambe ntirho wa vona i kurhangela bandleni naswona va risa ntlhambi ‘kungali hi kusindzisiwa, kambe kuli hi kuswi rhandza, hilaha Xikwembu xiswi lavaka hakona, naswona kunga li hi kulangutela bindzu leli khomisaka tingana, kambe hi kuhiseka.’ (1 Petro 5:1-3) Se ma yendla yini swaku mahi pfuna?

Mahi hlayisa ni kuhi sirhelela. A madoda ma nyikela swileleto leswi sekeliweke Matsalweni ni kutlhela ma pfuna bandla swaku li va ni wuxaka leli tiyeke na Yehovha. Leswi maswi tekelaka nhlokweni swaku i Yehovha ama nyikeke ntirho lowu wa lisima, amali fumi bandla kambe ma pfuneta swaku kuva ni ntsaku ni kuhanyisana. (2 Vakorinto 1:24) Tani hileswi murisi a zamaka kuwu tiva kahle ntlhambi wa yena, na wona madoda ma zama kumu tiva kahle mun’wana ni mun’wana ndzeni ka bandla. — Swivuriso 27:23.

Mahi djondzisa kuyendla kurhandza ka Xikwembu. Madoda ma rhangela ka mintlhanganu ya bandla vhiki ni vhiki swaku ma tiyisa lipfumelo la hina. (Mintirho 15:32) Nakambe vavanuna lava, lava tinyiketeleke, vahi vekela xikombiso lexinene hi kurhangela ka ntirho wa kudjondzisa, va tirha na hina ni kuhi djondzisa ka swiyenge swo hambanahambana swa ntirho wolowo.

Mahi tiyisa hinkwerhu ka hina. Leswaku madoda ya bandla mahi pfuna kutiyisa wunghanu la hina na Yehovha, mahi pfuxela kaya kumbe kubula na hina ka Yindlo ya hina ya Mfumu swaku mahi pfuna ni kuhi chavelela hi kutirhisa Bibele. — Yakobo 5:14, 15.

Handle ka ntirho lowu mawu yendlelaka bandla, kutala ka madoda ma ni mintirho ya kutihanyisa ni mindjangu leyi ma faneleke mayi hlayisa; kutani leswo swi lava nkama wa wona. Impela, swa fanela kuva hiva hlonipha vavanuna lava hikusa va tirha hi matimba. — 1 Vatesalonika 5:12, 13.

• Hi wihi ntirho wa madoda ya bandla?

• Madoda maswi kombisa kuyini swaku mani mhaka na hina?