Abantu abarukwetwaza kurungi nibakeeha. Abarwaire abaine ekiniga nibacoomera badakitaali; bakasitoma tibateekamu ekitiinisa abarukuheereza omu hoteeri; abarukugendera omu nyonyi batwaza kubi abarukuheerezamu; abaana abaine engeso embi basekereza, batiinisiriza kandi bataahirra abeegesa; kandi ab’eby’obulemi abamu bejumbira omu bikorwa ebibi ebiretera abantu kwehurra kubi kandi ab’eby’obulemi abandi baleetera abantu kubarora ngu nibetwaza kurungi.

 Baibuli kiri kintu eki tusobora kwesiga obukirukuhika ha kutuha obuhabuzi oburukukwata ha ngeso enungi. Ekindi, esoborra habwaki abantu batarukwetwaza kurungi kasumi kanu.

 Abantu kutetwaza kurungi omu ngeso, nikyeyolekera kimu omu nsi yoona.

•   Kusigikirra ha karuru akatiirwe enyumaho, nikooleka ngu Abamerika nibaikiriza ngu abantu abali omu United States kasumi kanu baine engeso embi kukira emyaka 22 enyuma.

•   Omu bantu abandi abarukuhingura omu 32,000 abaakaguziibwe omu mahanga 28, obucweka 65 ha buli 100 obw’abantu abo, bakagamba ngu omulingo abantu barukwetwazaamu kubi kasumi kanu, tibakagurorahoga.

 Baibuli ekaranga engeso z’abantu ezi turukurora kasumi kanu.

•   “Halibaho obusumi obugumangaine omu biro ebya ha mpero. Abantu baliba abegonza bonka, ab’omururu, ab’emyehembo, abangamba nyenka, abajumi, abatarukuhurra abazaire baabo, abatarukusiima, . . . abataine embabazi, [kandi] abagonza kurwana.”—2 Timoseo 3:1-3, Good News Translation.

 Kumanya ebirukukiraho ha mulingo obunabbi bunu buliyo nibuhikirizibwa, soma ekicweka “Baibuli Ekaranga Omulingo Abantu Bateekereza Kandi Betwazaamu Kasumi Kanu?”

 Omu nsi nambere abantu barukwetwaza kubi, obukaikuru n’obukaikuru bw’abantu bakizoire ngu Baibuli niyo ekyakizireyo kukonyera abantu kuba n’engeso enungi. Obuhabuzi bwayo oburukukwata ha ngeso ‘bwikara nibwesigwa, hati n’ebiro byona.’ (Zabuli 111:8) Tekerezaaho ebyokurorraho binu:

•   Baibuli eki egamba: “Nukwo byona ebimwenda abantu kubagira inywe, mubagirege muti bo.”—Matayo 7:12.

   Ekikirukumanyisa: Tusemeriire kutwaza abandi omu mulingo ogw’embabazi kandi ogw’ekitiinisa, nk’oku naitwe turukugonza batutwaze.

•   Baibuli eki egamba: “Nukwo mujule ebisuba, mugambege amazima omuntu wena nomutahiwe.”—Abefeso 4:25.

   Ekikirukumanyisa: Tusemerire kuba abesigwa omu bigambo n’omu bikorwa byaitu.

 Kumanya ebirukukiraho ha nsonga enu, soma:

•   Omunaara gw’Omulinzi ogwine omutwe “Ekihikire n’Ekitahikire—Obuhabuzi Oburukwesigwa.”

•   Ekicweka “Kugumiisirizangana—Baibuli n’Esobora Eta Kukukonyera?.”