Kuruga ira, Yahwe abaire nagonza muno buli eka kumara obwire hamu nibombeka enkoragana yaabu nawe, kandi nabo bonka nk’amaka. (Ekyebiragiro 6:6, 7) Obu nubwo bulyo habwaki Abakaiso ba Yahwe batunga obwire kuramya hamu nk’eka buli wiiki. Obwire obu babukozesa kwega n’okubaza ha bintu ebirukusobora kubakonyera kukura omu by’omwoyo. Nobworaaba oli weenka, obwire obu n’osobora kubukozesa kwega ha nsonga yoona ey’orukugonza n’okozesa Baibuli.

Obwire obu buba bw’okugumya enkoragana yaitu na Ruhanga. “Mui’re haihi na Ruhanga nauwe alibai’ra haihi.” (Yakobo 4:8) Obu tusoma ha miringo ya Ruhanga n’omulingo ahikiriza ebintu, kitukonyera kweyongera kumumanya kurungi. Omulingo ogwanguhire ogw’okutandika okuramya kwanyu nk’eka, nukwo kusomera hamu Baibuli nimwatura ebigambo. Musobora nʼokuhondera entekaniza eyʼokusoma Baibuli eri omu katabu kaitu akʼensoʼrokano. Buli omu omuka asobora kuheebwa ekicweka ky’okusoma, hanyuma inywena nimubaza ebi mwegeremu.

Bwire bw’okugumya enkoragana yaanyu nk’eka. Banyineka bagumya enkoragana yaabu n’abakyara baabu, kandi enkoragana hagati y’abazaire n’abaana nayo esemera habw’okwegera hamu Baibuli nk’eka. Akasumi kanu kasemerire kuba k’obusinge, buli omu omuka akarukulindirra n’ekihika buli wiiki. Abazaire nibasobora kukoma ekibarayegaho kuruga omu bimu ha bicweka ebiri omu Watchtower na Awake! rundi ebiri ha mukura gwaitu ogwa jw.org nibasigikirra ha myaka n’obusobozi bw’abaana baabu. Abazaire basobora kubaza ha bizibu abaana baabo ebibarabamu bali ha isomero, n’omulingo barukusobora kubitabarukamu. Nimusobora n’okurorra hamu puroguraamu eya Jw broadcasting (tv.mr1310.com)kandi hanyuma mukagibazaaho. Rundi n’okurabamu ebizina ebirazinwa omu nso’rokano, kandi obu muramara, nimusobora n’okutangayo eby’okunywa.

Obwire bunu obw’embaganiza ab’omuka obu bamara nibaramiza hamu, nibwiija kubakonyera kusemererwa kusoma Ekigambo kya Ruhanga kandi nawe naija kuha okwekamba kwabu omugisa.—Zabuli 1:1-3.

• Habwaki tuhayo obwire kwega Baibuli nk’eka?

• Abazaire basobora bata kuletera buli omu omuka kusemererwa akasumi kanu?