Burosha lakuti,“Wonani Charu Chiwemi” lili na mapu ghakulongora malo ghakupambanapambana agho ghakuzunurika mu Baibolo ndipo lingamovwirani kuti mupindurenge chomene para mukusambira Baibolo pamwekha. Baibolo likuzunura malo, misumba na vigaŵa vyakupambanapambana. Para mukugwiliskira ntchito burosha ili, vimovwiraninge kuti muŵe na chithuzithuzi cha uko nkhani yikachitikira. Burosha la “Wonani Charu Chiwemi” limovwiraninge kumanya na kuŵa nga kuti mukuwona malo agho nkhani iyo mukuŵazga yikachitikira. Limovwiraningiso kupulikiska umo malo ghakukhwaskira vyakuchitika ivyo vikuzunulika mu Baibolo.

Burosha la “Wonani Charu Chiwemi” lili na vithuzi vyakutowa chomene vyakulongora mapu na matchati gha malo ghakupambanapambana agho ghakuzunulika mu Baibolo. Burosha la mapu gha malo ghakuzunulika mu Baibolo ili lili na vithuzi, vithuzi vyakupangika pa kompyuta, na vinyake vinandi vyakuti vimovwirani para mukusambira Baibolo pamwekha.

Burosha ili limovwiraninge kuti

• mupulikiske maulendo agho wakenda Abrahamu, Yisake, na Yakhobe

• muwone nthowa iyo Ŵaisrayeli ŵakenda apo ŵakafumanga ku Eguputo kuya ku Charu cha Layizgano

• muwone uko Ŵaisrayeli ŵakakhalanga kweniso uko ŵalwani ŵawo ŵakakhalanga

• muwone vigaŵa ivyo Yesu wakandenga apo wakachitanga uteŵeti wake

• mumanye ukuru wa vigaŵa ivyo vikawusikanga na maufumu ghakurughakuru agho ghakuzunulika mu Baibolo, nga ufumu wa Babuloni, Girisi, na Romu

Mungaŵerenga burosha ili mwaulere pa LAYIBURALE YA PA INTANETI YA Watchtower.