Kufuma waka pa April 12 mpaka pa April 13, 2020, chimphepo chakofya chakuchemeka tornado chikachitika mwakuwerezgawerezga maulendo ghakujumpha 100 kumwera cha kumafumiro gha dazi kwa United States. Ŵakuwona vya nyengo ŵakati chimphepo chinyake icho chikaputa chikaŵa chikuru chomene kuluska vinyake vyose ivyo vyachitikapo kumasinda.

Mwaluŵiro Ofesi ya Munthavi yikakhwaskana na ŵalaŵiliri ŵadera kuti ŵawone usange mu chigaŵa icho, ŵabali ŵithu ŵanyake ŵakhwaskika. Kweni pakaŵavya mubali panji mudumbu uyo wakafwa na chimphepo ichi. Mudumbu yumoza ndiyo wakapwetekeka pachoko waka, apo chimphepo ichi chikatimba nyumba yake. Ŵapharazgi 63 ŵali kusama dankha mu nyumba zawo, nyumba 12 zili kuwa, ndipo nyumba 58 zili kunangika. Kweniso Nyumba za Ufumu zinkhondi zili kunangika pachoko waka, ndipo yimoza ndiyo yili kunangika chomene chifukwa pakawira chikhuni.

Ŵalara kweniso ŵalaŵiliri ŵadera ŵachali kuwona umo vinthu viliri mu chigaŵa ichi. Ndipo ŵakulutilira kovwira ŵabali, ŵakuŵakhozga na kuŵapembuzga awo ŵakhwaskika na suzgo ili.—Yesaya 40:1.