Nnwom 105:1-45
105 Monna Yehowa ase,+ mommɔ ne din,Monka ne nnwuma nkyerɛ amanaman!+
2 Monto dwom mma no, monto ayeyi nnwom* mma no,Munnwinnwen n’anwonwadwuma nyinaa ho.*+
3 Momfa ne din kronkron no nhoahoa mo ho.+
Momma wɔn a wɔhwehwɛ Yehowa no koma nni ahurusi.+
4 Monhwehwɛ Yehowa+ ne n’ahoɔden.
Monhwehwɛ n’anim dom daa.
5 Anwonwadwuma ne nsɛnkyerɛnne a wayɛNe n’atemmusɛm no, monkae,+
6 Mo a moyɛ n’akoa Abraham asefo*+Ne Yakob mma a wapaw mo.+
7 Ɔno ne Yehowa, yɛn Nyankopɔn;+
N’atemmusɛm kodu asaase so baabiara.+
8 N’apam ne ɛbɔ a ɔhyɛɛ* awo ntoatoaso apem no,+Ɔkae kosi daa;+
9 Ɛno ne apam a ɔne Abraham yɛe+Ne ntam a ɔkaa Isak no.+
10 Ɔde yɛɛ ahyɛde maa Yakob,Na ɔde maa Israel sɛ daa apam.
11 Ɔkae sɛ: “Mede Kaanan asaase bɛma wo+Sɛ agyapade a matwa ama wo.”+
12 Saa bere no, na wɔnnɔɔso;+Ná wɔyɛ kakraa bi, na na wɔyɛ ahɔho wɔ asaase no so.+
13 Wodii atutena wɔ amanaman mu,Na wofi ahenni baako mu a, na wɔkɔ foforo mu.+
14 Wamma obiara anhyɛ wɔn so,+Na mmom wɔn nti ɔkaa ahemfo anim.+
15 Ɔkae sɛ: “Mommfa mo nsa nnka me nkurɔfo a masra wɔn no,Na monnyɛ m’adiyifo bɔne.”+
16 Ɔmaa ɔkɔm baa asaase no so;+Ɔmaa aduan ho yɛɛ den maa wɔn.*
17 Ɔsomaa ɔbarima bi dii wɔn anim,Yosef a wɔtɔn no kɔɔ nkoasom mu no.+
18 Wɔde nkɔnsɔnkɔnsɔn guu* ne nan,+Na wɔde dade hyɛɛ ne kɔn;*
19 Ansa na bɔhyɛ no reba mu no,+Yehowa anom asɛm na ɛmaa ne ho tewee.
20 Ɔhene no soma ma wokoyii no;+Nea odi nkurɔfo no so ma wogyaa no.
21 Ɔde no sii ne fi so panyin,Na ɔma odii n’agyapade nyinaa so;+
22 Ɔmaa no kwan sɛ onni n’adehye so tumi* sɛnea ɔpɛ,*Na ɔnkyerɛ ne mpanyimfo nyansa.+
23 Ɛnna Israel baa Egypt,+Na Yakob bɛyɛɛ ɔhɔho wɔ Ham asaase so.
24 Onyankopɔn maa ne man ase trɛwee paa,+Na ɔma wɔbɛyɛɛ den sen wɔn atamfo;+
25 Ɔsesaa atamfo no koma ma wɔtan ne man,Na wɔbɔɔ n’asomfo ho pɔw.+
26 Ɔsomaa n’akoa Mose+Ne Aaron+ a ɔpaw no no.
27 Ɔma wɔyɛɛ nsɛnkyerɛnne wɔ wɔn mu,Na ɔma wɔyɛɛ anwonwade wɔ Ham asaase so.+
28 Ɔsomaa esum, na esum bɛkataa asaase no so;+Wɔantew atua antia n’asɛm.
29 Ɔdan wɔn nsu mogya,Na okunkum wɔn mpataa.+
30 Mpɔtorɔ bɛhyɛɛ wɔn asaase so ma;+Wɔbaa ahemfi mpia mu mpo.
31 Ɔkae sɛ ahurii* mmɛhyɛ asaase no so ma,Na ntummoa mmra wɔn asaase no so nyinaa.+
32 Ɔde asukɔtweaa yɛɛ osu tɔ guu wɔn so,Na ɔmaa anyinam* pae guu wɔn asaase so.+
33 Ɔsɛee wɔn bobe ne wɔn borɔdɔma nnua,Na obubuu wɔn asaase so nnua nyinaa.
34 Ɔkae sɛ ntutummɛ mmɛhyɛ asaase no so ma,Ntutummɛ mma a wɔn dodow nni ano.+
35 Wɔwee asaase no so nhaban nyinaa;Na wɔn mfuw mu nnɔbae nso, wɔwee.
36 Ɛnna okunkum wɔn asaase so mmakan nyinaa,+Wɔn ahoɔden mfiase no.
37 Ogyee ne man fii hɔ de dwetɛ ne sika kɔkɔɔ kaa wɔn ho;+Obiara nni n’abusuakuw mu a ɔyɛɛ mmerɛw.*
38 Wofii hɔ no, Egypt dii ahurusi,Efisɛ na Israel* ho hu atɔ wɔn so.+
39 Ɔtrɛw omununkum mu de gyee wɔn ho ban,+
Na ogya maa wɔn hann anadwo.+
40 Wobisaa nam, na ɔmaa wɔn mmoko;*+Ɔde ɔsoro aduan* maa wɔn di mee.+
41 Ɔpaee ɔbotan mu, na nsu fii mu bae;+Ɛsen wɔ sare no so te sɛ asubɔnten.+
42 Ne bɔhyɛ kronkron a ɔkaa ho asɛm kyerɛɛ n’akoa Abraham no, ɔkaee.+
43 Enti oyii ne man, na wodii ahurusi;+Wɔn a wapaw wɔn no bɔɔ ose.
44 Ɔde amanaman no nsaase maa wɔn,+Na nea aman foforo abrɛ anya no bedii wɔn nsam,+
45 Sɛnea ɛbɛyɛ a wobedi n’ahyɛde so,+Na wɔadi ne mmara so.
Munyi Yah ayɛ!*
Ase Hɔ Nsɛm
^ Anaa “mommɔ nnwom.”
^ Ebetumi nso akyerɛ, “Monka n’anwonwadwuma nyinaa ho asɛm.”
^ Nt., “aba.”
^ Nt., “Asɛm a ɔka kyerɛɛ.”
^ Nt., “Obubuu paanoo nnua biara.” Ebetumi aba sɛ ɛyɛ nnua a na wɔde paanoo sensɛn so de sie.
^ Nt., “teetee.”
^ Anaa “Wɔde dade kyekyeree ne kra.”
^ Anaa “sɛnea ne kra pɛ.”
^ Nt., “ɔnkyekyere n’adehye.”
^ Ɛyɛ ntummoa bi a wɔkeka.
^ Anaa “ogyaframa.”
^ Anaa “ɔwatiriwii.”
^ Nt., “na wɔn.”
^ Nt., “paanoo.”
^ Nnomaa bi a wɔte sɛ nkokɔhwerew.
^ Anaa “Haleluya!” “Yah” yɛ edin Yehowa a wɔatwa no tiaa.
